काठमाडौँ । नेपाल मगर सङ्घको त्रिचालिसौँ स्थापना दिवसको अवसर पारेर मगर गीतको भिडियो एलबम विमोचन गरिएको छ ।

काठमाडौँको कलङ्कीस्थित सङ्घको केन्द्रीय कार्यालयमा २०८१ फागुन १५ गते बिहीबारका दिन आयोजित औपचारिक कार्यक्रममाझ सो भिडियो विमोचन गरिएको हो ।

मगर सङ्घका संस्थापक सदस्य तथा लेखक एम.एस. थापामगरले ब्यानर खोलेर सो गीतको भिडियो एलबम विमोचन गर्नुभएको थियो ।

“मगर एकता जिन्दावाद” शीर्षक रहेको उक्त भिडियो एलबममा भीम मगर र तारा श्रीसमगरले स्वर दिनुभएको छ ।

दुत पुनमगरको शब्द रहेको सो एलबम सात मिनेट ५७ सेकेन्डको रहेको छ ।

भूपेन्द्र मगरको निर्देशन रहेको भिडियोमा प्रेमबहादुर आले, सन्जिता मगर, स्वस्तिका मगर, विष्णु (जेबी) थापामगरलगायतको अभिनय रहेको छ ।

भिडियो मकालु स्टुडियोको अफिसियल च्यानलबाट सार्वजनिक गरिएको छ ।