भक्तपुर । प्रगतिशील लेखक सङ्घ भक्तपुरको छैटौँ जिल्ला सम्मेलन सम्पन्न भएको छ ।

केन्द्रीय उपाध्यक्ष समीर सिंहको प्रमुख आतिथ्यमा २०८१ फागुन १० गते शनिबार सम्मेलन सम्पन्न भएको हो ।

उपाध्यक्ष नमुना शर्माको विशिष्ट आतिथ्य तथा बागमती प्रदेश समितिका अध्यक्ष डा. हरिप्रसाद सिलवालसमेतको आतिथ्य रहेको सो सम्मेलनले छन्दविज्ञान निरौला अध्यक्ष रहेको नयाँ समिति गठन गरेको छ ।

समितिको उपाध्यक्षमा बुद्धिकुमार श्रेष्ठ, सचिवमा सुरेश हाचेकाली, सहसचिवमा लक्ष्मी मिश्र, कोषाध्यक्षमा अप्सरा पोखरेल तथा सदस्यमा ईश्वरीप्रसाद शर्मा, कमल मिश्र र सुशीला ढकाल रहनुभएको छ ।

सम्मेलनमा सचिवको साङ्गठनिक प्रतिवेदन र कोषाध्यक्षको आर्थिक प्रतिवेदन पारित भएको थियो ।