दाङ । रक्तिम सांस्कृतिक अभियानले तीनमहिने अभियानअन्तर्गत दाङको घोराहीमा सडक सांस्कृतिक कार्यक्रम सम्पन्न गरेको ।
अभियानअन्तर्गत २०८१ माघ २६ गते शनिबार घोराहीको भानुचौक (तुलसीपुरचोक) मा सांस्कृतिक कार्यक्रम सम्पन्न गरिएको हो ।
रक्तिम घोराही नगर समितिका अध्यक्ष उत्सव पुनको नेतृत्वमा सो कार्यक्रम सम्पन्न भएको थियो ।
कार्यक्रमको सञ्चालन अखिल (छैठौं) का केन्द्रीय सदस्य तथा जिल्ला अध्यक्ष सेवक भट्टराईले गर्नुभएको थियो ।
सडक अभियानमा रक्तिमले “छोड छोड विस्तारवाद”, “झुकदैन शिर हाम्रो”, “म हिँडेको” जस्ता राष्ट्रिय भावनाले ओतप्रोत साङ्गीतिक कोशेली प्रस्तुत गरेको थियो ।
अभियानअन्तर्गत कार्यक्रम सञ्चालकले विद्यमान नेपालको व्यवस्था र यसका सञ्चालकले देशलाई बर्बाद बनाएको अभिव्यक्ति दिएका थिए ।
त्यस क्रममा सङ्घीय प्रणालीले देशको राष्ट्रियता समाप्त पार्ने हुँदा प्रादेशिक संरचना खारेजीको आन्दोलनलाई हरेक नेपालीले साथसहयोग गर्न अपिल गरिएको थियो ।
