काठमाडौँ । प्रगतिवादी साहित्यकार मोहनविक्रम सिंहले हालै प्रकाशित ‘जलजला’ उपन्यासमा भएका त्रुटि आगामी संस्करणमा सच्याउने बताउनुभएको छ ।
२०८१ पुस १६ गते मङ्गलबार उहाँले सो जानकारी दिनुभएको हो ।
उहाँले उपन्यासमा भएका त्रुटिबारे जानकारी दिने सबैलाई धन्यवादसमेत व्यक्त गर्नुभएको छ ।
उहाँले अगाडि भन्नुभएको छ–
“का. जलजला उपन्यासबारे भइरहेका समाचोचना र त्यसबारे आइरहेका विभिन्न मन्तव्यलाई मैले हार्दिक स्वागत गर्दछु । कतिपय साहित्यकारले त्यसमा भएका त्रुटिहरूलाई पनि औल्याएर धेरै मदत गर्नुभएको छ† जस्तै कि बाबुराम आचार्यको सुनन्दाको नेपाल भ्रमणाभन्दा पहिले मृत्यु भइसकेको कुराको उल्लेख गरेर । उपन्यासमा भएका त्यस प्रकारका त्रुटि वा प्रुफ मिस्टेकबारे मैले उपन्यासको अर्को संस्करणमा अवश्य पनि सुधार्ने प्रयत्न गर्ने छु र त्यसबाट उपन्यास अरू परिस्कृत हुने छ भन्ने मैले विश्वास गरेको छु । जसले उपन्यासमा भएका त्रुटिबारे बताइदिनुभएको छ, उहाँहरू सबैलाई धन्यवाद दिन चाहन्छु ।”
