तौलिहवा । कपिलवस्तुको कृष्णनगर नगरपालिकाको कृष्णनगरमा अखिल नेपाल ट्रेड युनियन महासङ्घ (अन्टुक) को नगर भेला सम्पन्न भएको छ ।
अन्टुकका केन्द्रीय सदस्य केरसिंह अदैको उपस्थितिमा २०८१ असोज १९ गते शनिबार सो भेला सम्पन्न भएको हो ।
भेलालाई सम्बोधन गर्दै नेता अदैले अहिलेसम्मका कुनै पनि सरकारले मजदुर र किसानको पक्षमा काम नगरेको बताउँदै दाबी गर्नुभयो ।
श्रम बेचेर खाने वर्ग सङ्गठित र सचेत नहुँदा राजनीतिले गलत दिशा लिएको धारणा पनि उहाँले राख्नुभयो ।
भेलाले मोहम्मद सुलेमान मुसलमान अध्यक्ष रहनुभएको ११ सदस्यीय अन्टुकको नगर समिति गठन गरेको छ ।
समितिको उपाध्यक्षमा डब्लु खान, सचिवमा निजाबुद्दिन खा, कोषाध्यक्षमा केफाइउल्ला मुसलमान तथा सदस्यमा यमकुमार महरा, आदित्य अहमद सेख, अहमद अली, मोहम्मद इसाई मुसलमान, नवीन पठान र सल्लाहकारमा टोपबहादुर विसी र रोहित पठान रहनुभएको छ ।
मोहम्मद सुलेमानको अध्यक्षता तथा यमकुमार महराको सञ्चालनमा अघि बढेको उक्त भेलामा सहभागीलाई टोपबहादुर विसीले स्वागत गर्नुभएको थियो ।
भेलापछिको बैठकले अन्टुकको सदस्यता लिने, प्रत्येक महिना बैठक बस्ने, सदस्यता वितरण गर्ने निर्णय गरेको नवनिर्वाचित अध्यक्ष मुसलमानले युगदर्शनलाई जानकारी दिनुभयो ।
