खलङ्गा । राष्ट्रिय जनमोर्चाका नेता विष्णु गिरीका बुबा तथा राजमो झिमरुक पालिका समितिकी सदस्य रमा गिरीका ससुराबुबा स्मृतिशेष कृष्णलाल गिरीको निधन भएको नवौँ दिन शोकसभा सम्पन्न भएको छ ।
उहाँकै निवासस्थान झिमरुक–७ हिड्डाँडामा २०८१ असोज ८ गते मङ्गलबार उक्त कार्यक्रम सम्पन्न भएको हो ।
शोकसभामा अखिल नेपाल महिला सङ्घकी केन्द्रीय सचिव तथा पूर्व प्रदेश सांसद तारा जिसी, अखिल नेपाल किसान महासङ्घ (अप्फा) प्युठानका सचिव खड्कबहादुर एमसी, राजमो वडासमितिका सल्लाहकार कृष्णप्रसाद पोख्रेलले शोकमन्तव्य राख्नुभएको थियो ।
गिरीको सम्झनामा एक मिनट मौनधारणसँगै छोरा विष्णु गिरीको अध्यक्षता र राजमो वडासमितिका सचिव केबी सुनारको सञ्चालनमा उक्त कार्यक्रम अगाडि बढेको थियो ।
शोकसभामा अखिल नेपाल युवक सङ्घका बसन्त केसी, पूर्व जनप्रतिनिधि दुर्गा गिरी, जिल्ला समन्वय समिति प्युठानका सदस्य रेकम रसाइली, राजमो केन्द्रीय सदस्य नारायण जिसी र वयोवृद्ध समाजसेवी मुक्तिप्रसाद पोख्रेलको पनि उपस्थिति रहेको थियो ।
