केरसिंह अदै, कपिलवस्तु ।
अखिल नेपाल राष्ट्रिय स्वतन्त्र विद्यार्थी युनियन (छैठौं) को १९ औं जिल्ला सम्मेलन आज शिवराज नगरपालिका ३ खरेन्द्रपुरमा सम्पन्न भएको छ ।
सम्मेलनले टिना अदैको अध्यक्षतामा १५ सदस्यीय जिल्ला समिति चयन गरेको छ । समितिको उपाध्यक्ष सुस्मिता विक, सचिव रेखा आचार्य, सहसचिव गौरी केवात र कोषाध्यक्ष कुसलावती केवत चयन हुनुभएको छ ।
यस्तै, सदस्यहरुमा पवित्रा आचार्य, सरोज रोका, प्रितम बुढा, अस्मिता बुढा, पूजा पोखरेल तथा वैकल्पिक सदस्यमा आकाश थारु, लक्ष्मी तेली रहनुभएको छ भने एक स्थान रिक्त राखिएको छ ।
यस्तै, सम्मेलनले रिसव आचार्य र सँजिल्ला बूढालाई सल्लाहकार चयन गरेको छ ।
सम्मेलनको उद्घाटन प्रमुख अतिथि अखिल (छैठौं) का केन्द्रीय सचिव सरोजमान सिंहले गर्नु भयो । उद्घाटन भाषणमा उहाँले विद्यार्थी आन्दोलनले परिवर्तनको लागि महत्त्वपूर्ण भूमिका निभाउँदै आएको उल्लेख गर्दै अखिल (छैठौं)को गौरवशाली इतिहास साक्षी रहेको बताउनुभयो ।
विद्यार्थी आन्दोलन कमजोर हुँदा राष्ट्रघात र भ्रष्टाचार बढेको उहाँले औँल्याउनुभयो ।
कार्यक्रममा अखिल नेपाल किसान संघका केन्द्रीय उपाध्यक्ष शिव पौडेल, मूल प्रवाह अखिल भारत नेपाली एकता समाजका केन्द्रीय अध्यक्ष ठाकुर खनाल, नेकपा (मसाल)का जिल्ला प्रवक्ता माधव भाट क्षेत्री, राष्ट्रिय जनमोर्चा जिल्ला सचिव केरसिंह अदै, रक्तिम सांस्कृतिक अभियानका केन्द्रीय सदस्य मान बहादुर नेपाली, अखिल नेपाल जनजाति सम्मेलनका जिल्ला सचिव केहरसिंह पुन, अखिल नेपाल महिला संघकी जिल्ला अध्यक्ष कमला पौडेल, रक्तिम सांस्कृतिक अभियानका जिल्ला अध्यक्ष बेगम बुढाले शुभ कामना दिनुभएको थियो ।
निर्वाचित पधाधिकारीहरूलाई प्रमुख अतिथि अखिल (छैठौं) का केन्द्रीय सचिव सरोजमान सिंहले बधाई तथा कार्य सफलताको शुभकामना दिनुभयो ।
सुस्मिता विकको अध्यक्षतामा सम्पन्न कार्यक्रमको सञ्चालन टिना अदैले र स्वागत प्रियंका आचार्यले गर्नु भएको थियो भने रक्तिम सांस्कृतिक अभियानका कलाकारहरुले गीत र नृत्य प्रस्तुत गरेका थिए ।
