काठमाडौं । कुखुराको अन्डाको मूल्य घटेको छ ।
१३ भदौमा घटेर तय भएको मूल्य फेरि २९ भदौमा घटेको हो ।
नेपाल लेयर्स कुखुरा पालक सङ्घका अनुसार अन्डा उत्पादन बढेसँगै मूल्य घटेको हो ।
यसअघि १३ भदौमा अन्डाको भाउ सबैभन्दा ठूलो (एक्सएल) ५ सय २५ र ठूलो (लार्ज) को प्रतिक्रेट ५ सय १० र मध्यम अन्डाको मूल्य ४ सय ३५ रुपैयाँ प्रतिक्रेट थियो ।
अब सबैभन्दा ठूलो (एक्सएल) ४ सय ६० रुपैयाँ र ठूलो (लार्ज) प्रतिक्रेट ४ सय ३० प्रतिक्रेट तय भएको छ । यस्तै मध्यम साइजको अन्डाको मूल्य ४ सय रुपैयाँ प्रतिक्रेट तोकिएको छ ।
संघ अध्यक्ष विनोद पोखरेलका अनुसार अन्डा उत्पादन बढ्दा मूल्य घटेको हो । ‘अहिले माउ कुखुरा बिक्री राम्रो भएको छैन, नयाँ चल्ला पनि धेरै हुर्केका छन्, जसले अन्डा उत्पादन बढायो,’ उनले भने ।
किसानले पाउने यो भाउ चितवनका किसानको फार्मलाई आधार मानेर तय भएको पोखरेलले बताए ।
