टोकियो, मेघराज रिष्मेली ।
जापानको टोकियो र ओसाकामा तिजी कार्यक्रम सम्पन्न भएको छ ।
जापान नेपाली एकता समाजले यस वर्षको तीज कार्यक्रम टोकियो र ओसाका शहरहरूमा भव्य रूपमा मनाएको छ ।
सेप्टेम्बर २ का दिन टोकियोमा र सेप्टेम्बर ३ का दिन टोकियोमा उक्त कार्यक्रमहरू सम्पन्न भउका हुन् ।
टोकियो
टोकियोमा भएको कार्यक्रम एकता समाजका कावा अध्यक्ष दण्ड केसीको प्रमुख आतिथ्य, जस्मिन चौधरीको अध्यक्षता र नविन बस्यालको सञ्चालनमा सम्पन्न भयो ।
कार्यक्रमले नेपाली महिलाको तिज पर्वको मौलिकता झल्काउन सफल भएको थियो । महिला तथा पुरुषहरू आआफ्ना पारम्परिक पोसाकमा सजिएर सहभागी भएका थिए । तिजको महत्त्व, नाचगान र तिजका गीतको प्रस्तुति विशेष आकर्षण बनेको थियो । नेपाली समुदायका अग्रजको उपस्थितिले कार्यक्रममा अझै उत्साह थपेको थियो । साथै स्थानीय कलाकारले तिजका परम्परागत गीतमा नृत्य प्रस्तुत गरेका थिए ।
ओसाका
ओसाकाको कार्यक्रममा एकता समाज कान्साईका अध्यक्ष गोपालकृष्ण सापकोटाको अध्यक्षता तथा अन्तर्राष्ट्रिय नेपाली एकता समाजका उपाध्यक्ष हेमलाल गौतमको प्रमुख आतिथ्य र रेशम केसीको सञ्चालनमा सम्पन्न भएको थियो ।
कार्यक्रममा विभिन्न सङ्घसंस्थाको उपस्थिति रहेको थियो ।
कार्यक्रममा रक्तिम सांस्कृतिक अभियान जापानको प्रस्तुतिसँगै लोकदोहोरी गायक नरेश खाती, कुलवीर थापा, दुर्गेश कार्की र केशव शर्माले साङ्गीतिक प्रस्तुतिसँगै महिलाले आफ्ना परम्परागत पहिरनमा सजिएर नाचगान गरेका थिए ।
कार्यक्रमले नेपाली परम्परालाई नयाँ पुस्तामा हस्तान्तरण गर्न महत्त्वपूर्ण भूमिका खेलेको छ । जापानमा बस्ने नेपाली महिलाले टाढा रहे पनि आफ्ना संस्कार र परम्परालाई संरक्षण गर्न गरेको प्रयास सराहनीय मानिएको थियो । कार्यक्रममा सहभागीलाई नेपाली परम्परागत खानपानको व्यवस्था गरिएको थियो साथै तीजको महत्त्वबारे जानकारीमूलक प्रस्तुति पनि दिइएका थिए ।
