खिमराज चालिसे (चन्डिगढ) ।
पन्जाबको मण्डी गोविन्दगढमा मूल प्रवाह सुदुर अखिल भारत नेपाली एकता समाजको आठौँ नगर सम्मेलन सम्पन्न भएको छ ।
अगस्त ३१ अगस्त र सेप्टेम्बर १ दुई दिन सो सम्मेलन सम्पन्न भएको हो ।
सम्मेलनको उद्घाटन केन्द्रीय सल्लाहकार प्रेम आचार्यले ब्यानर खोलेर गर्नुभएको थियो ।
उद्घाटन भाषण राख्दै उहाँले भारतमा नेपालीको हकहितको पक्षमा मूल प्रवाहले अविचलित सङ्घर्ष गरेको दाबी गर्नुभयो ।
सम्मेलनलाई मूल प्रवाहका केन्द्रीय सदस्य तिलक पौडेल, सुदूरपश्चिम क्षेत्रिय समितिका सदस्य बिनु नेपाली र महिला क्षेत्रीय विभागकी सदस्य माया आचार्यले शुभकामना दिनुभएको थियो ।
उदघाटन तथा बन्दसत्र रामबहादुर ताम्राकारको अध्यक्षतामा तथा लालबहादुर विकको सञ्चालनमा सम्पन्न भएको थियो भने स्वागत माया विकले गर्नुभएको थियो ।
बन्दसत्रमा प्रगति प्रतिवेदन रामबहादुर ताम्राकारले र आर्थिक प्रतिवेदन ताराबहादुर जिसीले प्रस्तुत गर्नुभएको थियो ।
अध्यक्षमा विक
केन्द्रीय वैकल्पिक सदस्य रामचन्द्र पौडेलले घोषणा गर्नुभएअनुसार सम्मेलनले लालबहादुर विक अध्यक्ष रहनुभएको ११ पूर्ण, तीन वैकल्पिक र तीन सल्लाहकारसहित १७ सदस्यीय नगर समिति निर्वाचन गरेको छ ।
समितिको उपाध्यक्षमा ताराबहादुर जिसी, सचिवमा रामबहादुर ताम्राकार, सहसचिवमा माया विक र कोषाध्यक्षमा रतन विक रहनुभएको छ ।
त्यस्तै, सदस्यहरूमा खिमबहादुर सुनार, सुरेश परियार, विमला शर्मा, हुकुम केसी, विष्णु सेन र जुद्ध परियार रहनुभएको छ ।
करण शर्मा र लालबहादुर सोनी (प्युठानी) वैकल्पिक सदस्य रहनुभएको उक्त समितिको सल्लाहकारमा कमल जिसी र विनोद विक रहनुभएको छ ।
महिला विभागको संयोजकमा शर्मा
सम्मेलनले विमला शर्मा संयोजकत्वमा १३ सदस्यीय महिला विभाग गठन गरेको छ ।
समितिको सदस्यहरूमा मन्जु विक, मीना सुनार, माया विक, विष्णु विक, देवी शाही, सावित्री परियार, सीता पौडेल, आशा परियार, सुनिता सुनार, साबी थापा र विमला विक रहनुभएको छ ।
नयाँ समितिलाई क्षेत्रीय समितिका सदस्यहरू राजकुमार अधिकारी, अर्जुन कार्की, माया आचार्य, जनजाति विभागका मानबहादुर थापा, महिला सदस्य वसन्ती थापा, रक्तिम विभाग गोविन्द परियार, अखिल भारत नेपाली एकता मञ्चका भरत सेन, रोपड नगर समितिका श्याम बहादुर र प्रेम थापा, लुधियाना सिटीका चेतबहादुर, लुधियाना फोकलप्वाइन्टका भगत विकले बधाई दिनुभएको थियो ।
घोषणासभा रामबहादुर ताम्राकारको अध्यक्षतामा तथा लालबहादुर विकको सञ्चालन विमला शर्माको स्वागत मन्तव्यसँगै सम्पन्न भएको थियो ।
