हैदरावाद (भारत) । हैदरावादमा मूल प्रवाह अखिल भारत नेपाली एकता समाजको सम्मेलन तयारी भेला सम्पन्न भएको छ ।

अगस्त २५, २०२४ का दिन हैदरावादका तीनओटा नगर समितिहरू उत्तर, मध्य र दक्षिण नगर समितिको संयुक्त भेला सेकेन्द्रावादमा सम्पन्न भएको हो ।

आगामी डिसेम्बर २१–२२, २०२४ का दिन हुन गइरहेको सम्मेलनको सन्दर्भमा आयोजित उक्त भेलाको प्रमुख अतिथि महासचिव प्रेम पौडेल हुनुन्थ्यो ।

भेलाको उद्घाटनपछि मन्तव्य राख्दै एकता समाजले भारत प्रवासमा रहने आम नेपालीबिच आइपर्ने विभिन्न प्रकारका समस्याको समाधान गर्दै आएको हुनाले नै असल अभिभावक भएको प्रष्ट पार्नुभयो ।

कार्यक्रममा मूल प्रवाहका केन्द्रीय सदस्य भीमबहादुर थापा र केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले शुभकामना दिनुभएको थियो ।

कार्यक्रममा मूल प्रवाहका केन्द्रीय सदस्य कृष्णबहादुर थापा, पूर्वकेन्द्रीय सदस्य खिमबहादुर विक, क्षेत्रीय सदस्य राजु दुलाल, क्षेत्रीय सदस्य तथा क्षेत्रीय विभागका महिला संयोजक पुष्पा पौडेल, क्षेत्रीय सदस्य तथा सांस्कृतिक विभागकी संयोजक माया थापाको आतिथ्य रहेको थियो ।

भेलाको सञ्चालन तिलक रानाले, अध्यक्षता वीरबहादुर विकले र स्वागत मन्तव्य मोहनलाल शर्माले गर्नुभएको थियो ।

भेलाले तिलक रानाको संयोजकत्वमा ३३ सदस्यीय मूल व्यवस्थापन समिति तथा विभिन्न उपसमितिको पनि चयन गरेको छ ।

त्यस्तै, तिलक रानाकै संयोजकत्वमा हल व्यवस्थापन समितिमा, सूर्यबहादुर थापाको संयोजकत्वमा दुई सय एक सदस्यीय प्रचारप्रसार उपसमिति, तेजेन्द्रप्रसाद शर्माको संयोजकत्वमा आर्थिक उपसमिति, माया थापा संयोजकत्व रहेको सांस्कृतिक उपसमिति, गोमा राना

संयोजकत्वमा रहेको अतिथि सत्कार उपसमिति र वीरबहादुर विक संयोजकत्वमा स्वयम्सेवक उपसमितिको चयन गरिएको छ ।
कार्यक्रमको दोस्रो शेसनको अध्यक्षता तेजेन्द्रप्रसाद शर्माले गर्नुभएको थियो ।