खिमराज चालिसे, चन्डिगढ (भारत) ।
चन्डिगढबाट मूल प्रवाह अखिल भारत नेपाली एकता समाजको सिटी एरिया समितीका उपाध्यक्ष गङ्गाराम बेलबासेलाई बिदाई गरिएको छ ।
अगस्त २५, २०२४ का दिन आयोजित एक औपचारिक कार्यक्रममाझ उहाँलाई बिदाई गरिएको हो ।
कार्यक्रममा केन्द्रीय सदस्य खिमराज चालिसे र नगर अध्यक्ष मानबहादुर केसीले एरिया समितिको तर्फबाट सम्मानस्वरूप प्रसंशापत्र र स्मृतिचिह्न प्रदान गर्नुभएको थियो ।
सो अवसरमा मन्तव्य राख्दै चालिसेले गङ्गाराम बेलबासेले प्रवासमा खेल्नुभएको तीन दशक लामो खेलेको भूमिकाको स्मरण गर्दै देशभित्र वर्गीय मुक्ति आन्दोलनमा अविचलित र सक्रिय रूपमा लाग्ने अपेक्षा गर्नुभयो ।
समारोहमा सांस्कृतिक विभागका केन्द्रीय सदस्य बिनु नेपाली, सुदूर पश्चिमोत्तर क्षेत्रीय सदस्य जुना चालिसे, महिला क्षेत्रीय सदस्य मन्जु विक, नगर समितिका सचिव थानेश्वर पाण्डे, कोषाध्यक्ष विष्णु बेलबासे, नगर सदस्य थमन थापा, महिला नगर संयोजक जमुना खनाल, सदस्य जमुना खड्का, मध्यसिटी एरिया अध्यक्ष लक्ष्मण पाण्डे, विष्णु पाण्डेलगायतले पनि मन्तव्य राख्नुभएको थियो ।
एरिया अध्यक्ष दुर्गा विकको अध्यक्षता तथा एरिया सचिव अर्जुन विकको सञ्चालनमा सम्पन्न सो कार्यक्रममा स्वागत प्रेम गुरुङले गर्नुभएको थियो ।
बिदाई गरिएका बेल्बासे रुपन्देही जिल्ला बुटबल उपमहानगरपालिका–१३ जितपुर बेलबासका स्थायी निवासी हुनुहुन्छ ।
सन् १९९७ देखि मूल प्रवाहको सदस्यता लिएर विभिन्न जिम्वेवारी निभाउँदै आउनुभएका बेलबासे चन्डिगढस्थित सिँचाइ विभागबाट मे ३१, २०२४ देखि सेवानिवृत्त हुनु भएको हो ।
