उद्धब मगर, दोहा (कतार) ।
अखिल नेपाल महिला सङ्घकी अध्यक्ष तथा पूर्व सांसद मीना पुनले महिलाहरू किन पछि पर्छन् भन्नेबारे महिलाले नै सोच्नुपर्ने आवश्यकतामा जोड दिनुभएको छ ।
कतार नेपाली एकता समाजको आयोजनामा अगस्त २३, २०२४ का दिन सम्पन्न कार्यक्रममा प्रमुख आतिथिको आसनबाट मन्तव्य राख्दै उहाँले यस्तो बताउनुभएको हो ।
मन्तव्यको क्रममामा प्रमुख अतिथि पुनले महिलाहरू किन पछाडि परिन्छ र पारिन्छ भन्ने विषयमा मन्तव्य राख्नुभएको थियो ।
‘यो परम्परादेखि मान्दै आएको तिज पर्व नेपाली मौलिकता हो’ उहाँले भन्नुभयो– ‘तर यही मौलिकतालाई बाङ्गोटिङ्गो पारेर अनेक विकृति र विसङ्गतिले सबै मौलिकतालाई मर्ज गरेको छ ।’
एक महिना अगाडिदेखि तिज मनाउने चलन कसरी आयो भन्ने प्रसङ्ग उठाउँदै उहाँले यस्ता कुराहरूमा महिला दिदीबहिनीहरूले सोच्नु आवश्यक रहेको बताउनुभयो छ ।
उहाँले भन्नुभयो– ‘सम्पूर्ण महिला दिदीबहिनीले आफ्नो अधिकार पाउनका लागि नाच्ने, गाउने, रमाउने त छँदै छ तर हामी आफै सक्षम हुनका लागि अध्यनशील हुनु पनि उत्तिकै जरुरी छ ।
अन्तर्राष्ट्रिय नेपाली एकता समाजका महासचिव लुमाकान्त पुनमगर कार्यक्रमका विशेष अतिथि रहनुभएको थियो ।
प्रमुख अतिथि पुनद्वारा ब्यानर उद्घाटनसहित द्वीप प्रज्ज्वलनपश्चात् कार्यक्रम अगाडि बढेको थियो ।
सहिदको सम्मानमा एक मिनट मौनधारणपछि उपस्थित जनसमुदायलाई रक्तिमका कलाकारले गीतसङ्गीतद्वारा र समाजकी महिला संयोजक जानुका बस्नेत (खड्का) ले स्वागत गर्नुभएको थियो ।
कार्यक्रमलाई विशिष्ट अतिथि पुनमगर, अन्तर्राष्ट्रियका सदस्य खिमबहादुर बुढामगर, द्वितीय उपाध्यक्ष अमिना खान, नेपाली जनसम्पर्क समितिका अध्यक्ष मोहमद अजिज अली, प्रवासी नेपाली मञ्चका कावा अध्यक्ष अवसर अलि खान, नेपाली जनप्रगतिशील मञ्चका कावा अध्यक्ष कृष्ण परियार, जनप्रगतिशील मोर्चाका अध्यक्ष रबिन पुनमगर, नेपाल पत्रकार महासङ्घ कतारका अध्यक्ष दिलकुमार श्रेष्ठ, नेपाली महिला समाज सचिव माया खड्का, गैरआवासीय नेपाली सङ्घकी महिला संयोजक शुष्मा खतिवडा, रामेछाप सेवा समाजका कावा अध्यक्ष रबिन कार्की, एफएनजे कतारका सम्पादक अर्जुन पौडेल, तनहुँ सेवा समाजका अध्यक्ष पदम गिरीले शुभकामना दिनुभएको थियो ।
कार्यक्रममा कतार एकता समाजका प्रथम उपाध्यक्ष कमल आचार्य, सचिव बलदेव रानामगर, कोषाध्यक्ष लक्ष्मण कोइराला, युगदर्शन मिडियाका कतार संवाददाता उद्धब मगर, बुद्धिजीवी विभागका मिलन गौतम, रक्तिम सांस्कृतिक अभियानका अध्यक्ष विमल भुसालको आतिथ्य रहेको थियो ।
त्यस्तै, समाजको दोहा एरिया समितिका अध्यक्ष रणबहादुर नेपाली, वक्रा एरिया समितिका मिनबहादुर विक, प्रवासी नेपाली एकता मञ्च अध्यक्ष मुक्तदा मुसलमान, र्न्पाली समाज अध्यक्ष मनिष यादव, अन्तर्राष्ट्रिय नेपाली समाज अध्यक्ष राजाराम शाही, मधेस प्रदेश समन्वय परिषद् कतारका महासचिव तेजिलाल मण्डल, गण्डकी प्रदेश समन्वय परिषद्का कावा अध्यक्ष अजय विश्वकर्मा, लुम्बिनी प्रदेश परिषद्का कावा अध्यक्ष सुजन लोदारी । सुदूरपश्मिेली नेपाली समाजका संयोजक पुष्कर साउद आतिथ्य रहेको थियो ।
समाजका महासचिव मिनराज पुन मगरले सञ्चालन गर्नुभएको उक्त कार्यक्रमको अध्यक्षता अध्यक्ष रामप्रसाद पराजुलीले गर्नुभएको थियो ।
