खिमराज चालिसे, फतेहावाद (भारत) ।
भारतको हरियाणा फतेहावादमा मूल प्रवाह अखिल भारत नेपाली एकता समाजको दोस्रो नगर सम्मेलन सम्पन्न भएको छ ।
केन्द्रीय सदस्य तारा सोमरेको उद्घाटनसँगै अगस्त १८, २०२४ का दिन सो सम्मेलन सम्पन्न भएको हो ।
सो अवसरमा मन्तव्य राख्दै उहाँले देशको अस्थिर सरकारका जनविरोधी क्रियाकलाप, युवाहरूको विदेश पलायन र भारतमा नेपालीका विभिन्न समस्याबारे विषयमा चर्चा गर्दै सबै समस्याको समाधान सङ्गठित रूपमा गर्न सकिने बताउनुभयो ।
अध्यक्षमा खनाल
मूल प्रवाहका केन्द्रीय सचिव त्रिभुवन भट्टराईले सम्मेलनद्वारा निर्वाचित समिति १५ पूर्ण, चार वैकल्पिक र चार सल्लाहकारसहित २३ सदस्यीय नगर समितिको घोषणा गर्नुभएको थियो ।
समितिको अध्यक्षमा कृष्णप्रसाद खनाल, उपाध्यक्षमा केबी किसन, सचिवमा बाबुराम, सहसचिवमा शुष्मा सोनी र कोषाध्यक्षमा प्रेम थापा रहनुभएको छ ।
त्यस्तै, सदस्यहरूमा सङ्गीता ताम्राकार, थमन ताम्राकार, सुरेश सुनार, कमल थापा, उदय गुरुङ, लालबहादुर ओली, सरस्वता ताम्राकार, मोनिका जिसी, सुशीला विक र सीता सुनार रहनुभएको छ ।
वैकल्पिक सदस्यहरूमा गीता थापा, रामबहादुर थापा, दीपक सोनी र अशोक पन्त रहनुभएको समितिको सल्लाहकारहरूमा चेतराज विक, गणेश विक र दीपक सोनी रहनुभएको छ ।
महिला विभागको संयोजकमा जिसी
सम्मेलनद्वारा निर्वाचित महिला विभागको प्यानल प्रस्तुत क्षेत्रीय कोषाध्यक्ष बाबुराम पोख्रेलले गर्नु भएको थियो ।
विभागको संयोजकमा मोनिका जिसि रहनुभएको छ भने सदस्यहरूमा शुष्मा सोनी, सङ्गीता ताम्राकार, कमला थापा, सरस्वता ताम्राकार, सीता सुनार, सुशीला विक र गीता थापा रहनुभएको छ ।
नवनिर्वाचित समितिलाई क्षेत्रीय समितिका सदस्य लालबहादुर चुदाली र सुरेश क्षेत्री, महिला क्षेत्रीय विभागकी सुनिता भट्टराई, अखिल भारत नेपाली विद्यार्थी सङ्घका केन्द्रीय कोषाध्यक्ष रक्षा सोमरे, प्रवासी नेपाली सङ्घका नित्यानन्द खनाल, एकता मञ्चका विष्णु भण्डारी, मूल प्रवाह हिसारका नन्दबहादुर लम्तरी, हिसार महिला विभागकी दुर्गा ज्ञवाली, फतेहावादबाट सुशीला विक, सांस्कृतिक विभागकी दिपा लम्तरी र योगेन्द्र दर्लामी, मेसबाट प्रेम थापालगायतले शुभकामना दिनुभएको थियो ।
कार्यक्रम कमला थापाको अध्यक्षतामा एवम् कमला बगालेको सञ्चालनमा सम्पन्न भएको थियो भने स्वागत कृष्णप्रसाद खनाल र सांस्कृतिक विभागका कलाकारहरूले गर्नुभएको थियो ।
