आबुधावी । युएईको आबुधावीमा महिला विभागको तेस्रो भेला सम्पन्न भएको छ ।
युएई नेपाली एकता समाजअन्तर्गत रहेको महिला विभागको सो कार्यक्रम जुलाई २७, २०२४ दिन आबुधाबीको क्यापिटल पार्कमा सम्पन्न भएको हो ।
भेलामा समाजका केन्द्रीय अध्यक्ष अर्जुनप्रसाद उपाध्यायको आतिथ्य रहेको थियो ।
सो अवसरमा मन्तव्य राख्दै उहाँले समाज र देशको परिवर्तनमा महिलाहरूको भूमिकामाथि प्रकाश पार्नुभयो ।
‘प्रवासमा रहेका श्रमजीवी महिला दिदीबहिनीले आफ्नो अमूल्य समयलाई विकृति र विसङ्गतिमा खेर नफालेर सामाजिक, आर्थिक तथा राजनैतिक सबै क्षेत्रमा सचेत बन्न जरुरी छ’ उहाँले भन्नुभयो ।
कार्यक्रममा विशेष अतिथि महिला विभागकी केन्द्रीय सदस्य सावित्रा खनालका साथै समाजका केन्द्रीय सल्लाहकार दिनेश थापा, केन्द्रीय सहकोषाध्यक्ष अर्जुन खनाल, केन्द्रीय सदस्य अनिल श्रेष्ठ, क्षेत्रीय समितिका सदस्य उपेन्द्र नेपालीलगायतको आतिथ्य रहेको थियो ।
अध्यक्षमा शर्मा
भेलाले मञ्जु शर्मा अध्यक्ष रहनुभएको ११ पूर्ण र छ सल्लाहकारसहितको १७ सदस्यीय आबुधाबी क्षेत्रीय महिला विभाग पुनर्गठन गरेको छ ।
समितिमा उपाध्यक्ष सावित्रा खनाल, सचिव बिना तामाङ, सहसचिव सावित्रा जिसी, कोषाध्यक्ष लक्ष्मी भुसाल र सहकोषाध्यक्ष निसा नकर्मी रहनुभएको छ ।
एवम् प्रकारले सदस्यहरूमा आरती श्रेष्ठ, तारा शर्मा, मनकला परिवार, भीममया गुरुङ, बुद्धिमाया तामाङ तथा सल्लाहकारहरूमा अर्जुनप्रसाद उपाध्याय, दिनेश थापा, बिनु केसी, अर्जुन खनाल, अनिल श्रेष्ठ उपेन्द्र नेपाली रहनुभएको छ ।
नवनिर्वाचित समितिलाई केन्द्रीय सल्लाहकार थापा र केन्द्रीय सहकोषाध्यक्ष खनालले बधाई दिनुभएको थियो ।
उपाध्यक्ष मन्जु शर्माको अध्यक्षतामा तथा बिना तामाङको सञ्चालनमा अगाडि बढेको उक्त भेलामा उपस्थित साथीहरूलाई लक्ष्मी भुसालले शब्दद्वारा स्वागत गर्नुभएको थियो ।
