काठमाडौं । पोर्चुगलमा बस्ने केही नेपाली युवाले विश्वव्यापी अनलाइन सपिङ सुरु गरेका छन् ।
कन्चनपुरका सम्राट ढकाल, मोरङका लिलाराज खतिवडा र गोरखाका तेज भट्टले क्रसखुकुरीडटसप (crosskhukuri.shop) नामक अनलाइन सपिङ सुरु गरेका हुन् ।
वैदेशिक रोजगारको सिलसिलामा पोर्चुगल पुगेका यी युवाले नयाँ काम गर्ने उद्देश्यसहित अनलाइन सपिङ योजना ल्याएको बताएका छन् ।
यो योजना आगामी अगस्ट ७ तारिखदेखि कार्यान्वयनमा आउने छ ।
विश्वभर जहाँसुकै जुनसुकै सामान पनि अनलाइन अर्डर मार्फत डेलिभरी गर्ने योजना रहेको व्यवसाय सञ्चालन गर्ने मध्येका एक युवक सम्राट ढकालले बताए ।
युगदर्शनसँगको सम्पर्कमा आएका ढकालले भने, ‘हामीले गुणस्तरमा जोड दिन्छौँ । ब्रान्डेड कम्पनीका सामान नै हामी सप्लाइ गर्नेछौँ । ग्राहकलाई चित्त नबुझेमा फिर्ता गर्न पाउने सुविधा दिने योजना छ ।’
उनले विश्वभर जहाँसुकै पनि सामानको अर्डर लिने र सप्लाइ गर्ने तयारीका साथ अनलाइन सपिङ सुरु गरिएको जानकारी दिए ।
वैदेशिक रोजगारीका लागि पराइ देशमा पुगेका नेपालीको यो प्रयासलाई नेपालीहरूले नै बढी साथ दिने उनको विश्वास छ ।
‘हामी विभिन्न काम र रोजगारीका लागि पोर्चुगल आएका हौँ’ ढकालले भने, ‘सधैँ अर्काको काम गरेर बस्न भन्दा आफैँ केही गरौँ भन्ने हो । हाम्रो योजनालाई नेपाली समूदायले साथ दिनेछन् भन्ने विश्वास छ ।’
ढकालले सूचना प्रविधिको विकाससँगै व्यवसायमा भइरहेका नयाँ प्रयोगलाई विदेशी धर्तीबाट लागू गर्ने प्रयासलाई साथ दिन पनि विश्वभर छरिएका नेपालीसँग आग्रह गरे ।
