बेलबहादुर रजाली #
जोधपुर (भारत) । राजस्थानको जोधपुरमा मूल प्रवाह अखिल भारत नेपाली एकता समाजको सातौँ नगर सम्मेलन सम्पन्न भएको छ ।
केन्द्रीय अध्यक्ष ठाकुर खनालको प्रमुख आतिथ्यमा जुलाई २१, २०२४ का दिन उक्त सम्मेलन सम्पन्न भएको हो ।
सम्मेलनले यमबहादुर नेपाली अध्यक्ष रहनुभएको २१ सदस्यीय नगर समिति चयन गरेको छ ।
समितिको उपाध्यक्षमा गणेश बोगटी, सचिवमा खगेश्वर शर्मा, सहसचिवमा सानु बस्नेत र कोषाध्यक्षमा उदित भण्डारी रहनुभएको छ ।
त्यस्तै, सदस्यहरूमा पद्मा भण्डारी, जितबहादुर थापा, रामबहादुर पोख्रेल, गोपाल नेपाली, शङ्कर बस्नेत र तालबहादुर गुरुङ रहनुभएको छ ।
वैकल्पिक सदस्यहरूमा सुनिता भण्डारी, धन बहादुर, भीमबहादुर र माधव भण्डारी रहनुभएको उक्त समितिको सल्लाहकारहरूमा होमबहादुर गुरुङ, मान सिंह र तुलसी सुवेदी रहनुभएको छ ।
विद्यार्थी सङ्घ
सम्मेलनमा विद्यार्थी सङ्घको पनि नगर समिति गठन गरिएको थियो ।
समितिको अध्यक्षमा सिन्धु शर्मा तथा उपाध्यक्षमा अर्जुन सोनी, सचिवमा सोनु थापा, सहसचिवमा मनिसा र कोषाध्यक्षमा सङ्गिता रहनुभएको छ ।
त्यस्तै, सदस्यहरूमा सीमा शर्मा, मुन्ना खत्री, मनिष, पिङ्की भण्डारी, जय भण्डारी, चेतन बस्नेत, रमेश, अस्मिता खत्री र सरिता थापा रहनुभएको छ ।
समितिको वैकल्पिक सदस्यहरूमा सरिता सोनी, सिर्जना, पूजा सोनी, ममता भण्डारी र यशस्वी नेपाली तथा सल्लाहकारहरूमा वसन्त, बन्जु शाह, सुरेश र निर्मल रहनुभएको छ ।
महिला विभाग
सोही सम्मेलनले महिला विभाग पनि गठन गरेको छ ।
सानू बस्नेत संयोजक रहनुभएको सो विभागको सदस्यहरूमा पद्मा भण्डारी, सुशीला भण्डारी, गीता खत्री, शोभा भण्डारी, नुमा शाह, कमला शर्मा, योगिता गुरुङ, पार्वती थापा, रेशमा नेपाली, सिन्धु शर्मा, दीपिका भण्डारी र तुलसी भण्डारी रहनुभएको छ ।
सम्मेलनमा केन्द्रीय उपाध्यक्ष कपिल खनाल, पश्चिमोत्तर क्षेत्रीय समितिका उपाध्यक्ष ओम थापा, अखिल भारत नेपाली विद्यार्थी सङ्घकी केन्द्रीय सदस्य साक्षी थापा, पश्चिमोत्तर क्षेत्रीय सदस्य मङ्गलसिंह खड्का, क्षेत्रीय सांस्कृतिक विभागकी शुष्मा थापा र विद्यार्थी सङ्घ क्षेत्रीय समितिकी सदस्य सोनिया थापाको पनि आतिथ्य रहेको थियो ।
घोषणासभाको अध्यक्षता खगेश्वर शर्मा, संचालन रिम राना, स्वागत यम बहादुर नेपालीले गर्नु भएको थियो ।
उद्घाटन समारोह
घोषणासभापूर्व सम्मेलनको उद्घाटन तथा बन्द सत्र सम्पन्न भएको थियो ।
उद्घाटन समारोहको अध्यक्षता जितबहादुर थापाले सञ्चालन खगेश्वर शर्माले गर्नुभएको थियो भने स्वागत मन्तव्य यमबहादुर नेपालीले गर्नु भएको थियो । केन्द्रीय अध्यक्ष ठाकुर खनालले उद्घाटन गर्नुभएको उक्त कार्यक्रममा केन्द्रीय उपाध्यक्ष कपिल खनाल, क्षेत्रीय सदस्य मङ्गलसिंह खड्का, महिला विभागकी सानू बस्नेत, विद्यार्थीबाट सिन्धु शर्माले शुभकामना मन्तव्य राख्नुभएको थियो ।
सम्मेलनमा रक्तिम सांस्कृतिक अभियानका कलाकारहरूले सांस्कृतिक कार्यक्रम प्रस्तुत गर्नुभएको थियो ।
