लुधियाना (भारत) । मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय समितिद्वारा सञ्चालित लुधियाना नगर समितिले समस्या परेका नेपाली मजदूरहरुलाई राहत सामाग्री वितरण गरेको छ।
अखिल भारत नेपाली विद्यार्थी संघ लुधियाना नगर समिति सचिव एवं एडवोकेट ललीता पोखरेलको पहलमा केन्द्रीय सदस्य बासुदेव भट्टराई, क्षेत्रीय सदस्य द्रोर्ण प्रसाद पोखरेल, नगर अध्यक्ष उदय सिंह चन्द, नगर सदस्यहरु रामचन्द्र पौडेल, मानबहादुर आले, खुम बहादुर थापा, गोबिन्द परियार, घनश्याम पौड्याल लगाएतका कार्यकर्ताहरुको उपस्थितिमा ढोलेवाल वस स्टेशनमा रात सामाग्री वितरण गरिएको हो ।
केन्द्रीय सदस्य एवं क्षेत्रीय सचिव त्रिभुवन भट्टराईले दिनुभएको जानकारी अनुसार जालन्धर वाइपासमा अत्यन्तै समस्या परेकाहरुलाई पुनः राहत वितरण गरिने छ।
लुधियाना नगर समितिका कार्यकर्ताहरुको विश्वव्यापी महामारी कोरोनाको कारण लकडाउन झेलिरहेको अवस्थामा सामाजिक तथा मानवीय उद्धार कार्यमा दिईरहेको निरन्तरताले मेहनतकश जनतालाई राहत महसुस गरेका र यसप्रकारको सहयोगले आम जनसमुदायहरुलाई मूल प्रवाहप्रतिको विश्वास अझै दृढ़ रहने मूलप्रवाहका नेताहरु बताउँछन्।
