प्रयागराज (भारत) । भारतको उत्तर प्रदेशस्थित प्रयागराजको रेल्वे स्टेसनमा फेला परेका नेपाली बालकले परिवार पाएका छन् ।
मूल प्रवाह अखिल भारत नेपाली एकता समाज प्रयागराज नगर समितिको पहलमा बालकलाई परिवारको जिम्मा लगाइएको छ ।
रौतहटको गौर, जंगलसइयाका १० वर्षे असगर ४ जुलाई २०२४ का दिन प्रयागराजको रेल्वे स्टेसनमा अलपत्र अवस्थामा फेला परेका थिए । त्यसपछि मूल प्रवाहले उनको आफन्तको खोजीका लागि पहल थालेको थियो ।
मूल प्रवाह प्रयागराज नगर समितिको पहलमा नेपालमा विभिन्न स्थानमा खोज गरी बालकका बुवा शेख ताहिरलाई फेला पारिएको थियो ।
ताहिरलाई छोरा असगर मूल प्रवाहले आफ्नो संरक्षणमा राखेको जानकारी गराएपछि ताहिर स्थानीय तहसँग सम्बन्धित कागजपत्रसहित उपस्थित भएका थिए ।
नाता प्रमाणित भएपछि मूल प्रवाहले न्यायलय बालक कल्याण समिति प्रयागराजबाट बालकलाई बुवाको जिम्मा लगाएको हो ।
