खिमराज चालिसे, चंडिगढ ।
मूल प्रवाह अखिल भारत नेपाली एकता समाजका महासचिव प्रेम पौडेलले मूल प्रवाह साम्राज्यवादसँग लड्न तयार रहेको बताउनुभएको छ ।
हिमांचल राज्य अन्तर्गत मूल प्रवाहको बाह्रौ भावानगर नगर सम्मेलन घोषणा सभालाई प्रमुख अतिथिको आसनबाट सम्बोधन गर्दै पौडेलले यस्तो बताउनुभएको हो ।
‘जनताका मौलिक अधिकार खोस्ने निरंकुश राजतन्त्र विरुद्ध ऐतिहासिक लडाईं लडेको मूल प्रवाहले साम्राज्यवाद विरुद्ध अझ सशक्त लडाईं लडने छ’ पौडेलले भन्नुभयो ।
महासचिव पौडेलले देशमा व्याप्त भष्ट्राचार महंगी, बेरोजगारी, युवाहरूको विदेश पलायन ब्यापक रहेको भन्दै त्यसविरुद्ध संघर्षमा जोड दिनुभयो ।
उहाँले संघीयता विरुद्ध अझ सशक्त संघर्ष गर्नुपर्ने आवश्यकता समेत औँल्याउनुभयो ।
‘प्रवासी नेपालीहरूको मताधिकार र समानुपातिक प्रतिनिधित्वका लागि संघर्ष गरौं, भारतस्थित नेपालीहरूको हकहित र सामाजिक सुरक्षाको लागि संगठित बनौं’ भन्ने मूल नाराका साथ भारतव्यापी रुपमा चलिरहेको नगर सम्मेलन अभियान अन्तर्गत ४ जुलाई २०२४ का दिन भावानगर नगर सम्मेलनको उद्घाटन भएको थियो । कार्यक्रमको घोषणा सभा ५ जुलाईका दिन सम्पन्न भएको छ ।
१२ औँ नगर सम्मेलनले बिरु श्रेष्ठको अध्यक्षतामा १३ पूर्ण ४ वैकल्पिक र ४ सल्लाहकार सहित २१ सदस्यीय नगर समिति निर्माण गरेको छ। जस्मा उपाध्यक्ष अम्मर थापा, सचिव मन सिंह, सहसचिव दिलु मगर, कोषाध्यक्ष कुमार लामा रहनुभएको छ ।
सदस्यहरूमा किरण रोकाया, सुनिता रासकोटी, राज ठाकुर, हस्तु रोकाया, ललित बुढामगर, सृजना बस्नेत, क्रान्ती थापा, ज्ञान बहादुर रहनुभएको छ भने वैकल्पिक सदस्यमा वविता तामाङ, चरण प्रसाद, सुसिला, रेम बहादुर रहनुभएको छ ।
सम्मेलनले सल्लाहकारहरूमा हरमन बस्नेत, निमा तामाङ, मोहन लाल र हेमा बुढामगरलाई चयन गरेको छ।
महिला नगर विभाग
भावानगरको बाह्रौ नगर सम्मेलनले किरण रोकायाको संयोजकत्वमा १५ सदस्यीय महिला नगर विभागको पनि गठन गरिएको छ। जस्मा सदस्यहरुमा क्रमसः पिंकी दाहाल, सृजना बस्नेत, क्रान्ती थापा, बबिता तमाङ, शुशिला, सुनिता रासकोटी, हेमा बुढा, गीता ठाकुर, गंगादेवी, मीना गुरुड, कबिता, समदन लामा, अमिता लामा, सुनिता खत्री रहनु भएको छ।
निर्वाचित समितिलाई वधाई एंव शुभकामना दिने अतिथिहरूमा भावानगर एसडिएम विमला वर्मा पोखरेल, मूल प्रवाह केन्द्रीय सदस्य नेत्र गुरुङ, केन्द्रीय सदस्य जितमन थापा, मूल प्रवाह केन्द्रीय महिला विभाग सदस्य शुष्मा खड्का, विद्यार्थी विभाग केन्द्रीय सदस्य सृजना बगाले, हिमांचल राज्य सचिव सिताराम बुढा, मूल प्रवाह परिषद सदस्य जमुना गाहा, महिला विभागकी बिमला शाहीले सम्मेलनमा शुभकामना दिनु भएको थियो ।
चिन्ता बहादुर पुनको सञ्चालन सम्पन्न घोषणा सभाको अध्यक्षता बिरु श्रेष्ठ र स्वागत मानसिंह श्रेष्ठले गर्नु भएको थियो । कार्यक्रममा रक्तिम सांस्कृतिक अभियानका कलाका्रले सांस्कृतिक कार्यक्रम प्रस्तुत गरेका थिए ।
सम्मेलनको उद्घाटन दिनांक ४ जुलाई २०२४ का दिन मूल प्रवाहका महासचिव पौडेलले पानसमा बत्ती बालेर गर्नु भएको थियो ।
बन्दसत्र एवम् उद्घाटन समारोह चिन्ता बहादुर पुनको स्ञचालन तथा मनसिंह श्रेष्ठको अध्यक्षतामा सम्पन्न भएको थियो ।
घोषणा सभामा सांस्कृतिक कार्यक्रम सहित सृजना बस्नेतले स्वागत गर्नु भएको थियो ।
