काठमाडौं । पूर्व प्रहरी महानिरीक्षक सर्वेन्द्र खनाललाई अपहरणकारी भनेपछि प्रतिपक्षी नेपाली कांग्रेसको भातृसंगठन नेपाल विद्यार्थी संघकी नेतृ रीता रिजाल पक्राउ परेकी छन्।

खनालको नाम लिएर अपहरणकारी लेखेपछि नेविसंघ प्रदेश २ की नेतृ रिजाल पक्राउ परेकी हुन्। रिजाललाई प्रहरीले मंगलबार बारा सिमराबाट पक्राउ गरेर हिरासतमा लिएको हो।

पक्राउ परेकी उनीविरुद्ध प्रहरीले ‘साइबर क्राइम’ मुद्दा चलाउने तयारी गरेको छ। तर नेविसंघ कार्यकर्ता र केही समर्थकहरुले उनलाई रिहा गर्न माग गरेका छन्।

फेसबुकमा लेखेकै आधारमा पक्राउ गर्न नमिल्ने भन्दै उनीहरुले तत्काल रिहा गर्न माग गरेका छन्।