चन्डिगढ (भारत) । भारतको चण्डीगढमा मूल प्रवाह अखिल भारत नेपाली एकता समाजको टोल समिति गठन भएको छ ।
मूल प्रवाहको इन्डस्ट्रियल एरिया समितिअन्तर्गत किसनगढगाउँमा जुलाई १, २०२४ का सम्पन्न भेलाले टोल समिति गठन गरेको हो ।
नगर समितिका सहसचिव एवम् इन्डस्ट्रियल एरिया समितिका अध्यक्ष थानेश्वर पाण्डे र कोषाध्यक्ष बलुराम बन्जाडेको पहलमा उक्त भेला आयोजना गरिएको थियो । भेलामा केन्द्रीय सदस्य खिमराज चालिसेले मूल प्रवाहको बारेमा सङ्क्षिप्त चर्चा गर्दै सङ्गठित आवाजले मात्र सबै प्रकारका अन्याय र विभेद विरुद्ध सशक्त सङ्घर्ष गर्न सकिने धारणा व्यक्त गर्नुभएको थियो ।
भेलाले मीना बन्जाडे अध्यक्ष रहनुभएको १३ सदस्यीय किसनगढ प्रगति टोल समिति गठन गरेको छ ।
समितिमा सचिव दुर्गा कार्की, कोषाध्यक्ष प्रतिमा बस्याल र सदस्यहरू सुरज घर्ती, शर्मिला घर्ती, मनोज रायमाझी, कमला कार्की, विनोद, पूर्णिमा सुनार, सरस्वती विक, पार्वता खड्का र टेकबहादुर कार्की रहनुभएको छ । समितिमा सदस्यको एक स्थान रिक्त राखिएको छ।
भेलामा नगर सम्मेलन अभियानसमेतका विभिन्न समसामयिक विषयमा चर्चा गर्दै नगर उपाध्यक्ष प्रेम गुरुङ र नगर सचिव तेजबहादुर रोकाले निर्वाचित समितिलाई बधाई एवम् शुभकामना दिनुभएको थियो ।
भेलामा नगर सदस्य दिनेश विकको पनि आतिथ्य रहेको थियो ।
कार्यक्रम थानेश्वर पाण्डेको सञ्चालन तथा मीना बन्जाडेको अध्यक्षतामा सम्पन्न भएको थियो ।
