वीरेन्द्रनगर । रक्तिम सांस्कृतिक अभियानले कर्णाली सांस्कृतिक अभियान–२०८१ सुरु गरेको छ ।
रक्तिमको केन्द्रीय समिति र राष्ट्रिय जनमोर्चा कर्णाली प्रदेश समितिको सहकार्यमा २०८१ जेठ १ गतेदेखि सो कार्यक्रम सुरु भएको हो ।
पहिलो दिन सुर्खेत जिल्लाको गुर्भाकोट नगरपालिकाअन्तर्गत पर्ने मेहेलकुना बजारमा अभियानको उद्घाटन भएको थियो ।
“प्रगतिशील तथा जनवादी संस्कृतिलाई आत्मसात गरौँ, कर्णाली सांस्कृतिक अभियान सफल पारौँ झ्” मूल नाराका साथ अघि बढेको अभियानमा राजमो कर्णाली प्रदेशको तर्फबाट प्रदेश समितिका अध्यक्ष पूर्णबहादुर शाही र रक्तिम केन्द्रीय समितिको तर्फबाट अध्यक्ष गिरीप्रसाद बुढाले नेतृत्व गरिरहनुभएको छ ।
अभियानमा राजमो केन्द्रीय उपाध्यक्ष जनकराज शर्मा, राजमो कर्णाली प्रदेशका सचिव विष्णु शर्मा, राजमो कर्णाली प्रदेश सदस्य कटकबहादुर शाही, नेकपा (मसाल) का सुर्खेत जिल्ला मोहन थापा, राजमो सुर्खेतका अध्यक्ष गोविन्दप्रसाद सुवेदी, अखिल नेपाल किसान महासङ्घ सुर्खेतका अध्यक्ष प्रेमबहादुर ठाडा, सदस्य कर्णबहादुर ठाडालगायतका नेताकार्यकर्ताको सहभागिता रहेको थियो ।
अभियानमा रक्तिमका नृत्य प्रशिक्षक विजय घर्तीले नृत्य संयोजन गरिरहनुभएको छ ।
पहिलो दिन सुर्खेतको छिन्चुमा विविध सांस्कृतिक प्रस्तुतिसहित अभियानको कार्यक्रम सम्पन्न गरिएको छ । कार्यक्रममा “ए साथी”, “रातो लालटिन”, “ज्वालामुखी”, “खोला नालाले”, “चट्टानको झिल्को”, “शिशिर चिर्ने”, “फूल फुल्ने छ”, “बढ्दै जाऊ”, “नेपाली माटोमा फूल रोपौँ यसपाली” लगायतका गीतमा नृत्य प्रस्तुत गरिएको छ ।
कार्यक्रममा आर्थिक सङ्कलन, जनभेटघाट, पर्चा वितरणलगायतका कार्य गरिएको छ ।
अभियानले सङ्गठन निर्माण कार्य गर्दै सुर्खेत जिल्लाको पश्चिम क्षेत्रमा पर्ने चौकुनेको बिजौरासम्म पुर्याएर समापन गर्ने योजना रहेको आयोजकले जनाएको छ ।
