निखिल रावत, वापी ।
मोहन वैद्य माओवादी निकट नेपाली एकता समाज भारतको सिलवासा नगर समितिका रामबहादुर थापा र केमबहादुर सारूको नेतृत्वमा २० जना सदस्यहरू मूल प्रवाह अखिल भारत नेपाली एकता समाजमा प्रवेश गरेका छन् ।
नवप्रवेशी सदस्यहरूलाई अप्रिल २०, २०२४ का दिन मूल प्रवाह अखिल भारत नेपाली एकता समाज केन्द्रीय सदस्य गोविन्दबहादुर थापाले स्वागत तथा सम्मान गर्दै मूल प्रवाहको सदस्यता प्रदान गर्नुभएको थियो ।
कार्यक्रममा बोल्दै रामबहादुर थापाले नेपाली एकता समाज भारतले भारत प्रवासमा रहेका नेपालीको हकहित र अधिकारको सवालमा काम गर्न नसकेकाले नै आफूहरूले संयुक्त रूपमा राजीनामा सार्वजनिक गरी मूल प्रवाह अखिल भारत नेपाली एकता समाजमा प्रवेश गरेको बताउनुभयो ।
भारत प्रवासमा सबैको दुःख सुखको साथीको रूपमा स्थापित भएको मूल प्रवाहमा आफूहरू समाहित भएको बताउनुभयो ।
रामबहादुर थापाले अध्यक्षता गर्नुभएको उक्त कार्यक्रमको सञ्चालन केमबहादुर सारूले गर्नुभएको थियो ।
