खिमराज चालिसे, चंडिगढ ।
अन्तर्राष्ट्रिय एकताको लागिगी प्रवासी नेपाली जनताको मञ्च चंडिगढको आयोजनामा नेकपाको ७६ औं स्थापना दिवश तथा विश्व सर्वहारा वर्गका महान नेता का. लेनिनको १५५ औँ जन्मदिवश मनाइएको छ ।
कार्यक्रमलाई सम्बोधन गर्दै प्रमुख अतिथि मूल प्रवाह अखिल भारत नेपाली एकता समाजका केन्द्रीय सदस्य दिनेश खड्काले अन्तर्राष्ट्रिय रुपमा रक्षात्मक अवस्थामा रहेको मार्क्सवाद लेनिनवाद तथा माओ विचारधाराको रक्षाकवच बन्नुपर्ने धारणा व्यक्त गर्नु भएको थियो।
सभामा सम्बोधन गर्ने अन्य वक्ताहरूमा मूल प्रवाहका केन्द्रीय सदस्य एवम् नेपाली समाचारका संयोजक खिमराज चालीसे, मूल प्रवाह केन्द्रीय सल्लाहकार प्रेम आचार्य, अखिल भारत नेपाली विद्यार्थी संघका केन्द्रीय अध्यक्ष माधव पोख्रेल, सांस्कृतिक विभागका केन्द्रीय सदस्य बिनु नेपाली, महिला क्षेत्रीय सदस्यहरू सरस्वता भुसाल र विष्णु अर्याल, नगर सहसचिव थानेश्वर पान्डे, समता विभागका अर्जुन विक लगाएत हुनुहुन्थ्यो।
कार्यक्रम तेजबहादुर रोकाको सञ्चालन तथा मानबहादुर केसीको अध्यक्षतामा सम्पन्न भएको थियो भने स्वागत थमन थापाले गर्नुभएको थियो ।
