काठमाडौं । दुई जनामा कोरोना संक्रमण पुष्टि भएपछि काँडाघारीको सनसिटी अपार्टमेन्ट वरपर सन्नाटा छाएको छ अपार्टमेन्ट आसपासका क्षेत्रमा किटनाशक औषधि छर्कन थालिएको छ । यस्तै, प्रहरीले अपार्टमेन्टमा रहेका व्यक्तिहरुको विवरण संकलन सुरु गरेको छ ।
अपार्टमेन्टका ५ सय फ्ल्याटमा करिव १५ सय रहेको अपार्टमेन्ट वेल्फेर सोसाइटीको अनुमान छ । सोसाइटीका सचिव तिलक खतिवडाका अनुसार प्रहरीले त्यहाँ हाल कुन फ्ल्याटमा कति व्यक्ति छन्र ? कुन कुन उमेर समूहका छन् सबैको विवरण मागेको छ ।
सोमबार पाटन अस्पतालमा भर्ना भएका तीन जनामध्ये दुई जनामा कोरोना संक्रमण पुष्टि भएको छ । एक जनामा भने कोरोना संक्रमण नदेखिएको स्वास्थ्य मन्त्रालयले जनाएको छ ।
बेलायतबाट चैत ५ गते फर्किएका तीन जनालाई कोरोना संक्रमण आशंकामा अस्पताल भर्ना गरिएको थियो । उनीहरु बेलायतमा रहेका छोरा बुहारीले घुम्न बोलाएपछि डेढ महिना पहिले बेलायत गएका थिए ।
