खिमराज चालीसे, चंडिगढ ।
मूल प्रवाह अखिल भारत नेपाली एकता समाज चंडिगढ महिला नगर सदस्य रुपा केसीको दुर्घटनामा निधन भएको छ ।
आइतबार (२४ मार्च) राति संगठनको कामबाट फर्कने क्रममा उहाँ चढेको गडी दुर्घटनामा परेको थियो ।
मृतक ५८ वर्षीया रुपा मूल प्रवाह चंडिगढ नगर अध्यक्ष मान बहादुर केसीकी श्रीमती हुनुहुन्छ ।
पंचकुलाको मोरनी हिल्सस्थित नेचरपार्कबाट मूल प्रवाहको सांगठनिक कार्यक्रम समापन गरेर चंडिगढ फर्कने क्रममा उहाँ चढेको कार करिब १५ फुट तल खसको थियो । दुर्घटनामा गम्भीर घाइते भएकी रुपा केसीको अस्पतालमा पुर्याँउदा डाक्टरले मृत घोषणा गरेका थए ।
दुर्घटनामा ५८ वर्षीय गोपाल खड्का र ५० वर्षीयाँ कोपिला पनि गम्भीर घाइते हुनु भएको छ । घाइतेहरुको उपचार भइरहेको छ ।
मूल प्रवाह चंडिगढ नगर समितिले घाइतेहरुको सिघ्र स्वास्थ्य लाभको कामना गरेको छ । साथै, मृतक रुपा केसीप्रति भावपूर्ण श्रद्धान्जली अर्पित गर्दै शोकसन्तप्त परिवारमा गहिरो समवेदना प्रकट गरेको छ।
