उद्धब मगर, दोहा ।
कतारमा महिला विभागको दोस्रो भेलासँगै एक सय चौधौँ अन्तर्राष्ट्रिय श्रमिक महिला दिवस मनाइएको छ ।
समाजअन्तर्गत रहेको महिला विभागद्वारा मार्च १५, २०२४ का दिन उक्त कार्यक्रम सम्पन्न गरिएको हो ।
समाजका अध्यक्ष रामप्रसाद पराजुलीको प्रमुख आतिथ्य रहेको उक्त कार्यक्रममा विशेष अतिथि अन्तर्राष्ट्रिय नेपाली एकता समाजका सदस्य खिम बुढामगर रहनुभएको थियो ।
प्रमुख अतिथि रामप्रसाद पराजुलले द्वीप प्रज्ज्वलन गरी उद्घाटन गर्नुभएको थियो ।
सो अवसरमा उहाँले समसामयिक विषयमा मन्तव्य राख्दै नयाँ समितिलाई बधाई दिनुभएको थियो ।
त्यस्तै, समाजकी द्वितीय उपाध्यक्ष अमिना खानले एकता समाजअन्तर्गत महिला विभागको भूमिकाको बारेमा मन्तव्य राख्नुभएको थियो ।
कार्यक्रममा समाजका प्रथम उपाध्यक्ष कमल आचार्य, महासचिव मीनबहादुर पुनमगर, सचिव बलदेव रानामगर, दोहा एरियाका सल्लाहकार गिरि काउछामगर, वक्रा एरिया समितिका अध्यक्ष मीनबहादुर विक, बुद्धिजीवी विभागका सदस्य बाबुराम पौडेल र युगदर्शनका संवाददाता उद्धव मगर र टेकराज थापा उपस्थिति रहेको थियो ।
संयोजकमा खड्का
भेलाले जानुका बस्नेत (खड्का) संयोजक रहनुभएको महिला विभागको नयाँ समिति गठन गरेको थियो ।
समितिको सदस्यहरूमा अमिना खान, हीरा शर्मा, कुमारी काउछामगर, शान्ता राना, सन्तोषी ढकाल र एलिना लुहागुन रहनुभएको छ ।
त्यस्तै, वैकल्पिक सदस्यमा मीना न्यौपाने र दुर्गा परियार तथा सल्लाहकार सन्दिपा सुब्बा, मीना तामाङ, रिना हिङमान र रेश्मी दवाडी रहनुभएको छ ।
महिला विभागका संयोजक जानुका बस्नेत (खड्का) को अध्यक्षता, विभागकी सदस्य कुमारी काउछामगरको स्वागत मन्तव्य तथा हीरा शर्माको सञ्चालनमा उक्त कार्यक्रम सम्पन्न भएको थियो ।
