उद्धब मगर, दोहा (कतार) ।
कतार नेपाली एकता समाजले वनभोज कार्यक्रम सम्पन्न गरेको छ ।
कार्यक्रममा ज्ञात अज्ञात सहिदहरूप्रति मौन धारण गर्नुका साथै विभिन्न व्यक्तिहरुले शुभकामना मन्तव्य व्यक्त गर्नुभएको थियो ।
एकता समाजका अध्यक्ष रामप्रसाद पराजुलीको अध्यक्षतामा सम्पन्न कार्यक्रममा प्रमुख अतिथि अन्तर्रास्ट्रिय नेपाली एकता समाजका सदस्य खिम बुढामगरले कार्यक्रमको उद्घाटन गर्नुभयो ।
कार्यक्रममा कतार नेपाली एकता समाजका प्रथम उपाध्यक्ष कमल आचार्य, उपाध्यक्ष अमिना खान, केन्द्रीय सदस्य तथा रक्तिम सांस्कृतिक अभियानका सल्लहाकारद्वय खगेश्वर भुसाल र हुमाकान्त आचार्य, वक्रा एरिया अध्यक्ष मीनबहादुर विक, बुद्धिजीवी विभाग संयोजक मिलन गौतम, रक्तिम सांस्कृतिक अभियानका अध्यक्ष विमल भुसाल, महिला विभाग संयोजक जानुका बस्नेत (खड्का) युगदर्शन सम्वाददाताद्वय उद्धब मगर, टेकराज थापा लगायतको सहभागिता रहेको थियो ।
कतार नेपाली एकता समाजका केन्द्रीय सदस्य हरि शर्माले स्वागत गर्नु भएको थियो कार्यक्रमको सन्चालन महासचिव मीनबहादुर पुनले गर्नुभएको थियो ।
समाजका उपाध्यक्ष अमिना खानले कतार नेपाली एकता समाजमा रहेर अहोरात्र खट्ने नेता कार्यकर्ताहरुलाई धन्यवाद दिँदै संसारभर रहेका नेपाली मजदुरहरुलाई नेपाली एकता समाजमा आवद्ध हुन आह्वान पनि गर्नुभयो ।
