धनबिर पुन, नयाँ दिल्ली ।
भारतको हिमांचल राज्यको कुल्लु जिल्ला अन्तर्गत भुन्तरमा एक नेपाली युवकले आफूलाई कोरोना भाइरस लागेको भन्ने भयले पुलबाट हाम फालेर आत्महत्या गर्ने प्रयास गरेका छन् ।

सामान्य रुघा खोकी देखापरे पछी कोरोना भाइरस हो कि भन्ने डरले करण नामका २२ वर्षीय युवकले पुलबाट हाम फालेको स्थानीय प्रत्यक्षर्शीहरुले बताए । करणलाई स्थानीयहरुले बचाएका छन् ।

बिगत ७ वर्षदेखि हिमांचल प्रदेशको कुल्लु जिल्ला अन्तर्गत भुन्तरको गाउँ पञ्चायत बडा भुईनमा मजदूरी गर्दै आएका करण २४ मार्च २०२० को दिन बिहान ७ बजे भुन्तरको पुरानो पुलबाट हाम फालेको प्रत्यक्षदर्शीले बताए ।

उनलाई स्थानीयको मद्दतले पुलिस थाना भुन्तर पुराएर मैडिकल चेक गराउँदा कोरोना नभएको पुष्टी भएपछी प्रशासनले मूल प्रवाह अखिल भारत नेपाली एकता समाज भुन्तर नगर समितिलाई हस्तान्तरण गरेको छ । मूल पूवाहका नगर अध्यक्ष कन्हैया चौधरी र सल्लाहकार राजा ठाकुरको उपस्थितिमा हस्तान्तरण गरिएको स्थानीय प्रशासनले जनाएको छ ।

अध्यक्ष चौधरीले दिएको जानकारी अुनसार करणको स्वास्थ्य अहिले ठीक छ । करणको घर परिवारसँग सम्पर्क भएको छैन । करणका घर परिवारजन, आफन्तजन तथा उनलाई चिन्ने जान्ने जो सुकैले पनि मूल प्रवाह अखिल भारत नेपाली एकता समाज भुन्तर नगर समितिका कन्हैया चौधरी 8679170770 र विशाल बुढाथोकीलाई 9805190691 मा सम्पर्क गर्न मूलप्रवाहले आग्रह गरेको छ ।

मानसिक सन्तुलन गुमाएका नेपाली फेला
यता, हिमांचल प्रशासनले अलपत्र अवस्थामा अन्दाजी ३० वर्षका एक नेपाली युवक मानसिक सन्तुलन गुमाएको अवस्थामा फेला परेका छन् । प्रशासनले उनलाई हिमांचल प्रदेशको मडी जिल्ला अन्तर्गत बालीचौकी स्थित सडक र गल्ली गल्लीमा घुमिरहेको अवस्थामा फेलापारेको स्थानीय पुलिसले जानकारी दिएको छ ।

बालीचौकी पुलिस चौकीले कुल्लु जिल्लाको सैंज पुलिस थानालाई र सैंज पुलिस थाना प्रशासनले ति व्यक्तिलाई मूल प्रवाह अखिल भारत नेपाली एकता समाज एरिया समिति सैंजका अध्यक्ष करसांग लामा, राधिका लामा लगायत अन्य कार्यकर्ताको उपस्थितिमा हस्तान्तरण गरेको छ ।

आफ्नो नाम समिर लामा भन्न सक्ने उनलाई फेसबुक, व्हाटसप चलाउनु हुने जो कसै चिन्नु हुन्छ भने कारसांग लामा 9805309259, कन्हैया चौधरी 8679170770 र विशाल बुढाथोकीको 9805190691 मा सम्पर्क गर्न मूलप्रवाहले आग्रह गरेको छ ।