काठमाडौँ । राष्ट्रिय जनमोर्चा रुपन्देहीले सरकारले कोरोना भाइरसको सङ्क्रमणका विरुद्ध उठाएको कदम स्वागतयोग्य, तर अपर्याप्त भएको बताएको छ । २०७६ चैत्र १९ गते राजमो रुपन्देहीका अध्यक्ष बद्रे आलमको हस्ताक्षरमा जारी प्रेस वक्तव्यमा सो धारणा व्यक्त गरिएको हो ।
कोरोना सङ्क्रमणको विरुद्ध ठोस कदम उठाउँदै गर्दा निम्न आय भएका जनताको जनजीविकाबारे पनि विचार गर्न सुझाव दिइएको उक्त वक्तव्यमा नागरिकलाई पनि अनुशासनमा बस्न आग्रह गरिएको छ । वक्तव्यमा अगाडि भनिएको छ–
“चीनको वुहानबाट फैलिएको कोरोना भाइरसले विश्वव्यापी रूप लिएको छ । आजसम्म विश्वमा आठ लाख ५७ हजार आठ सय ५० जना मानिस सङ्क्रमित भइसकेका छन् भने ४२ हजार एक सय ३० जनालाई कोरोना भाइरसले निलिसकेको छ । विश्व महामारीको इतिहास पल्टाएर हेर्दा यो महामारी एक्काइसौँ हो ।
मानवीय क्षतिका हिसाबले विगतको महामारीको तुलनामा कोरोना महामारी अहिलेसम्म कम नै देखिन्छ तर सन्त्रास यति धेरै फैलिएको छ कि विश्वका अब्वल मानिने देश पनि हायलकायल भएका छन् । इटली, स्पेन, संयुक्त राज्य अमेरिकाजस्ता स्वास्थ्य प्रणाली राम्रा भनिएका देशमा कोरोना भाइरसको सङ्क्रमण भुसको आगो झैँ फैलिएको छ । पछिल्लो तथ्याङ्कअनुसार अमेरिकामा मात्र एक लाख ८८ हजार दुई सय ८० जना सङ्क्रमित भइसकेका छन् । यही गतिमा फैलिएको खण्डमा विश्व खण्डहरमा परिणत हुन बेर लाग्ने छैन ।
हाम्रोजस्तो कमजोर स्वास्थ्य प्रणाली भएको देशमा कोरोना भाइरसको सङ्क्रमण फैलिएमा कस्तो भयावह अवस्था होला कल्पनासम्म गर्न सकिँदैन । कोराना भाइरसको थप सङ्क्रमण हुन नदिन र जनताको स्वास्थ्य स्थितिको हर तरहले रक्षा गर्नु सरकारको प्रमुख दायित्वहो । सरकारले कोरोना भाइरसको रोकथामका लागि चालेका कदम स्वागतयोग्य छन् तर पर्याप्त छैनन् । सरकारले सङ्क्रमण रोक्न देशभरि लकडाउन गरेको छ ।
लकडाउनका कारण दैनिक रूपमा रोजगारी गरी जीवन निर्वाह गर्ने वर्गको हातमुख जोर्ने समस्या विकराल बन्दै गइरहेको छ । रोजगारीको खोजीमा विदेशमा गएका कैयौँ नेपाली नागरिक सीमामै अलपत्र छन् । लाखाँैको सङ्ख्यामा विदेशबाट नेपाल फर्केका दाजुभाइ, दिदिबहिनी निर्बाध रूपमा देशका विभिन्न भाग, गाउँघर, समाज तथा घरपरिवारका साथमा मिसिएका छन् । उनीहरुको रेखदेख र सङ्क्रमण फैलिन नदिन चाल्नुपर्ने उचित कदम चालेको देखिँदैन । ए
कातिर, सङ्क्रमणको त्रास, अर्कोतिर, निम्नवर्गका नागरिक भोकै मर्ने अवस्था । सरकारले उपर्युक्त समस्या समाधान गर्न चालिने कदम चाल्न चुकेको छ । अझै पनि बिग्रिहालेको अवस्था छैन । उपयुक्त समस्याका समुचित व्यवस्थापनका लागि राजमो रूपन्देही सरकारसँग माग गर्दछ ।
आदरणिय दाजुभाईतथादिदिबहिनीहरु
नागरिकको तर्फबाट पनि लकडाउन उल्लंघनका कतिपय घटनाहरु भएका छन । बिना कामबाहिर निस्कने एक आपसमा भेटघाट गर्ने, भिडभाडमा जाने जस्ता कार्यहरु भै रहेका छन् । लकडाउनको उल्लंघन गरेको नाउँमा सरकारले बल प्रयोग गरेको छ । यो दुर्भाग्य पुर्ण कार्य हो । यसको घोर भत्र्सना गरिनु पर्दछ । बल प्रयागको अवस्था आउन नदिन सजग बनौ ।
माहामारीको बिरुद्धको अभियानमा सरकारको आलोचना गरेर मात्रनागरिक कर्तव्य पुरा हुदैन । अःत यो संकटको घडिमा हाम्रो तर्फबाट पुरा गर्न पर्ने न्युनतम दायित्व पुरा गर्दै कोरोना संक्रमण रोक्न प्रभावकारी कदम चाल्न सरकारलाई दवाव दिन राजमो रुपन्देहीले हार्दिक अपिल गर्दछ ।’
