बागलुङबजार । राष्ट्रिय जनमोर्चा बरेङ गाउँपालिका वडा नं. १ धुल्लुबाँस्कोट वडा कमिटीले कडेनी र ओखरेनीमा शोकसभा सम्पन्न गरेको छ ।
राजमोका दुई सदस्यहरूको निधन भएपछि २०८० पुस ८ गते आइतबार सो कार्यक्रम सम्पन्न गरिएको हो ।
धुल्लुबाँस्कोट कडेनी निवासी राजमो वडासमितिका सदस्य लिलबहादुर तारामीमगर र डम्मरबहादुर तारामी मगरका पिता कर्नबहादुर तारामीमगरको ९० वर्षको उमेरमा निधन भएको थियो ।
मृत्यु भएको छैटौँ दिन राजमो वडा कमिटीले शोकसभा कार्यक्रम गरी मृतकप्रति श्रद्धाञ्जली तथा शोकाकूल परिवार तथा आफन्तजनप्रति समवेदना प्रकट गरेको हो ।
शोकसभा राजमो बागलुङका सचिवालय सदस्य तथा बरेङ गाउँपालिका अध्यक्ष कृष्णप्रसाद शर्मा, राजमो बरेङ गाउँपालिकाका उपाध्यक्ष तथा वडा नं. १ का वडाअध्यक्ष नरसेङ पुन, नेपाल पत्रकार महासङ्घ गण्डकी प्रदेश सदस्य प्रकाश छन्त्याललगायतको उपस्थिति रहेको थियो ।
त्यस्तै, आइतबार नै बरेङ–१ कै ओखरेनी निवासी राष्ट्रिय जनमोर्चा वडा समितिका सदस्य लालबहादुर थापाको ६६ वर्षको उमेरमा निधन भएपछि पाँचौँ शोकसभा सम्पन्न गरिएको छ ।
उक्त कार्यक्रममा पनि राजमो बागलुङका जिल्ला सचिवालय सदस्य तथा बरेङ गाउँपालिका अध्यक्ष कृष्णप्रसाद शर्मागायतको उपस्थिति रहेको थियो ।
