काठमाडौं । राष्ट्रिय जनमोर्चाले काठमाडौंको गोगंबुस्थित नयाँ बसपार्क क्षेत्रमा संगठन विस्तार गरेको छ । शनिबार सम्पन्न एक भेलाले ज्ञानबहादुर भण्डारीको अध्यक्षतामा राजमोको टोल समिति गठन गरेको हो ।
समितिको उपाध्यक्षमा कुलबहादुर बुढामगर, सचिव उमेश भण्डारी, सहसचिव हिमाल छन्त्याल र कोषाध्यक्षमा मधु रसाइली चयन हुनुभएको छ । सदस्यहरुमा अमर बहादुर बुढामगर, लोकेन्द्र छन्त्याल, प्रकाश भण्डारी, प्रकाश खनाल, भिमबहादुर विक, मदन रसाइली, सन्तोष कुँवर, सुरेशकुमार भण्डारी रहनुभएको छ । भेलाले प्रेमबहादुर भण्डारीलाई सल्लाहकार चयन गरेको छ ।
राजमोले सञ्चालन गरेको संगठनात्मक अभियान अन्तरगत शनिबार बसपार्कमा भेला तथा सदस्यता वितरण गरेको हो । भेलामा अखिल नेपाल जनजाती सम्मेलनका अध्यक्ष निम बहादुर बुढाथोकी र राष्ट्रिय जनमोर्चा काठमाडौंका सल्लाहकार रमेश पौडेलले देशको समसामयिक राजनीति र राष्ट्रिय जनमोर्चाको भूमिकाका बारेमा प्रशिक्षण दिनुभएको थियो ।
