अर्घाखाँची । राष्ट्रिय जनमोर्चाले देशव्यापी रुपमा सञ्चालन गरेको विशेष संगठनात्मक अभियान अर्घाखाँचीमा जारी छ । जिल्लाका सबै तहमा विभिन्न टोली बनाएर सदस्यता वितरण, भेला, प्रशिक्षण तथा संगठन निर्माण भइरहेको राजमो अर्घाखाँचीले जनाएको छ ।

अभियानको क्रममा सितगंगा नगरपालिका–१० मा प्रशिक्षण भेला सम्पन्न भएको छ । भेलाले वडा समिति समेत गठन गरेको छ । समितिको अध्यक्षमा शिवबहादुर परियार, उपाध्यक्ष कृष्णबहादुर परियार, सचिव हिमबहादुर सारु, सहसचिव सविता परियार र कोषाध्यक्षमा भेषबहादुर परियार चयन हुनुभएको छ । सदस्यहरुमा सृजना परियार, कमला कुवँर, सुनिल परियार, गणेश परियार रहनुभएको छ ।

भेलामा मूल प्रवाह अखिल भारत नेपाली एकता समाजका केन्द्रीय उपाध्यक्ष कपिल खनाल तथा राजमो नेताहरु कृष्ण बहादुर परियार र गोविन्द थापाले प्रशिक्षण दिनुभएको थियो ।