दैलेख । दैलेखको भगवतीमाई गाउँपालिका वडा नं ३ मेहेल्तोलीमा राष्ट्रिय जनमोर्चाको वडा समिति गठन गरिएको छ । जिल्लाव्यापी रुपमा सञ्चालन भइरहेको राजमोको संगठनात्मक अभियान अन्तर्गत सो वडामा सदस्यता वितरणसँगै संगठन निर्माण गरिएको हो ।

हर्क बहादुर रेग्मीको अध्यक्षतामा गठित ७ सदस्यीय समितिको उपाध्यक्षमा प्रेमबहादुर बिक, सचिव भिम बहादुर विक, कोषाध्यक्ष कालू विक तथा सदस्यहरूमा मयाराम विक र दान बहादुर खड्का रहनुभएको छ । एक स्थान रिक्त राखिएको छ ।

कार्यक्रममा राजमो दैलेखका अध्यक्ष अम्बर बहादुर नेपाली, राजमो भगवतीमाई गाउँपालिका अध्यक्ष नर बहादुर सिंह र अखिल नेपाल युवक संघका केन्द्रीय सचिव भक्त बहादुर विक विशेष उपस्थिति थियो ।