सुर्खेत । सुर्खेतको वीरेन्द्रनगर नगरपालिका वडा नं ३ मा राष्ट्रिय जनमोर्चाको संगठन निर्माण भएको छ । भेलामा उपस्थित नेता तथा कार्यकर्ताहरुलाई राजमोका महासचिव जनकराज शर्माले प्रशिक्षण दिनुभएको थियो ।
भेलाबाट मनप्रसाद जैशीको अध्यक्षतामा ७ सदस्यीय समिति गठन भएको छ । समितिको सचिवमा बिष्णुप्रसाद आर्चाय, कोषाध्यक्ष हरिशंकर शर्मा, सदस्यहरुमा कविराज खत्री, गौरी शाही, खड्क सार्की र संजन शाही चयन हुनुभएको छ । कार्यक्रममा राजमो जिल्ला अध्यक्ष गोविन्द प्रसाद सुवेदी, अखिल नेपाल महिला संघकी कृष्णा रावल, अखिल नेपाल शिक्षक संघका पुर्ण शाहीले भेला सफताको शुभकामना दिनुभएको थियो ।
यता, विरेन्द्रनगरकै वडा नं १२ मा पनि वडा समिति गठन गरिएको छ । हेमराज शर्माको अध्यक्षतामा गठन भएको समितिको उपाध्यक्षमा कलाधर आचार्य, सचिव राधा चपाई, कोषाध्यक्षमा जैमणी रेग्मी तथा सदस्यमा रञ्जना रेग्मी रहनुभएको छ । कार्यक्रममा महासचिव जनकराज शर्मा र अध्यक्ष गोविन्दप्रसाद सुवेदीले शुभकामना दिनुभएको थियो ।
त्यस्तै, वराहताल गाउँपालिकाका विभिन्न स्थानहरुमा राजमोका केन्द्रीय सदस्य रत्नविक्र प्यासी, बलबहादुर सार्की, सुरेन्द्र विक्रम राना नेतृत्वको टोलीले सदस्यता वितरण जनभेटघाटका गरिरहेको राजमो सुर्खेतले जनाएको छ ।
यस्तै, राजमो जिल्ला अध्यक्ष जीवन राना र अखिल नेपाल महिला संघकी नरमाया थापाको उपस्थितमा सत्यवति–३ मा ११ सदस्यीय राजमोको टोल समिति गठन भएको छ ।
टोल समितिको अध्यक्षमा टेकबहादुर श्रीस, उपाध्यक्षमा नारायण थापा, सचिवमा ओमबहादुर श्रीस, सहसचिवमा दिलबहादुर कुँवर र कोषाध्यक्षमा उषा थापा चयन हुनुभएको छ । सदस्यमा खुमा सूर्यवंशी, ओमबहादुर सिजापती, भूमी सिंजापती, ईश्वरी राना रहनुभएको छ भने सल्लाहकारमा नरमाया थापा र हिरा त्रामु रहनुभएको छ ।
