इलाम । राष्ट्रिय जनमोर्चाले सञ्चालन गरिरहेको संगठनात्मक अभियान अन्तर्गत पूर्वको इलाममा धमाधम संगठन निर्माण भइरहेको छ । इलामका १० वटै पालिकामा राजमोको सदस्यता वितरण, संगठन निर्माण एवं जनभेटघाट भइरहेको राजमो इलामले जनाएको छ ।
संगठनात्मक अभियानकै शिलशिलामा अखिल (छैठौं) ले पनि आफ्नो संगठन विस्तार गर्दै गइरहेको छ । आगामी चैत १ देखि ५ गतेसम्म हुने संघीयता विरुद्धको काठमाडौं केन्द्रित आन्दोलनलाई लक्षित गर्दै संगठन निर्माणलाई तिब्रता दिइएको अखिल (छैठौं) का केन्द्रीय सदस्य बविन वान्तवा राईले युगदर्शनलाई बताउनुभयो ।
यसै क्रममा इलाम नगरपालिकास्थित श्री आदर्श माविमा कमल राईको अध्यक्षातामा ३१ सदस्यीय इकाइ समिति गठन भएको छ । बिहीबार सम्पन्न विद्यार्थीहरुको बृहद भेलाले संगठन निर्माण गरेको हो ।
समितिको उपाध्यक्षमा टेकबहादुर राना मगर, सचिव रेविका राई, सहसचिव आरती राई र कोषाध्यक्षमा पवन प्याकुरेल चयन हुनुभएको छ । सदस्यहरुमा रुपा बेघा, अभिशेक लिम्बु, दिनेश आलेमगर, एलेक्स मैनाली, सोनिका राई, सुस्मिता तामाङ, अप्सरा नेम्वाङ, दिपा आले, नितु तामाङ, अञ्जु गुरुङ, निशा मगर, मनु लिम्बु, मनोज विक, भिम कुलुङ, मुना लिम्बु, सविना इङनाम, निर्मला राई, अनिता राई र विपिना राई रहनुभएको छ ।
अखिल (छैठौं) का प्रदेश उपाध्यक्ष हर्कबहादुर लाओतीले सञ्चालन गर्नुभएको भेलालाई केन्द्रीय सदस्य बबिन वान्तावाले सम्बोधन गर्दै संघीयता विरुद्धको काठमाडौं केन्द्रित आन्दोलनको औचित्यका बारेमा विद्यार्थीहरुलाई प्रशिक्षण दिनुभएको थियो ।
यता, सुर्योदय माविमा पनि अखिल (छैठौं) ले संगठन विस्तार गरेको छ । श्रवणकुमार सिटौलाको अध्यक्षतामा गठित इकाइ समितिको उपाध्यक्षमा दिपा खतिवडा, सचिव रिन्छेन तामाङ, सहसचिव बविता श्रेष्ठ र कोषाध्यक्ष बिधान भट्टराई चयन हुनुभएको छ ।
सदस्यहरुमा हिमाल भण्डारी, समीक्षा राई, इशा क्षेत्री, सुप्रभात घिमिरे, उमंग राई, सलिना राई, निराजन भट्ट र कुशल राई रहनुभएको छ ।
सो भेलामा पनि प्रदेश उपाध्यक्ष हर्कबहादुर लाओतीले सञ्चालन गर्नुभएको थियो भने केन्द्रीय सदस्य बबिन वान्तावा राईले प्रशिक्षण दिनुभएको थियो ।
इलामको १० वटै स्थानीय तहमा राजमो र अखिल (छैठौं) को समिति गठन गर्ने लक्ष्यका साथ दुईवटा टोली बनाएर संगठनात्मक अभियान चलिरहेको नेता राईले जानकारी दिनुभयो । एउटा टोलीको नेतृत्व बविन राई र अर्को टोलीको नेतृत्व राजमो ईलामका संयोजक केवि सुब्बाले गर्नुभएको छ ।
