काठमाडौं । रक्तिम सांस्कृतिक अभियानले पूर्वकोषाध्यक्ष विष्णु शर्मासम्बन्धी वृत्तचित्र सार्वजनिक गरेको छ । दिवंगत कलाकार शर्माको योगदानलाई समेटेर रक्तिमले वृत्तचित्र बनाएको हो ।
राष्ट्रिय जनमोर्चाका अध्यक्ष चित्रबहादुर केसीले बुधबार आयोजित विष्णु शर्माको प्रथम स्मृति दिवसका अवसरमा सो वृत्तचित्र विमोचन गर्नुभएको हो । सो अवसरमा अध्यक्ष केसीले शर्मालाई ‘भरोसायोग्य’ कार्यकर्ताको रुपमा स्मरण पनि गर्नुभयो ।
शर्माको प्रथम स्मृति दिवसका अवसरमा रक्तिम सांस्कृतिक अभियानले बुधबार काठमाडौंमा आयोजना गरेको कार्यक्रममा विष्णुका सहकर्मी कलाकार, राष्ट्रिय जनमोर्चाका नेता कार्यकर्ताहरुको उपस्थितीमा सो वृत्तचित्र सार्वजनिक गरिएको थियो ।
रक्तिमका तत्कालिन कोषाध्यक्ष विष्णु शर्माको गत वर्ष २०७८ फागुन २४ गते ३० वर्षको उमेरमा जण्डिसका निधन भएको थियो । उहाँले रक्तिमका थुप्रै गीतमा नृत्य तथा अभिनय गर्नुभएको छ भने नयाँ कलाकार उत्पादन गर्न नृत्य प्रशिक्षकको समेत जिम्मेवारी निर्वाह गरिरहनुभएको थियो ।
विष्णु शर्माको स्मरण गर्दै अध्यक्ष केसी : भरोसायोग्य कार्यकर्ता गुमायौँ
