पूर्वसचिव अर्जुन कार्कीलाई ठूलो बज्रपात परेको छ । उनकी श्रीमती मुना कार्कीको हत्या भएको छ । यो हत्याबाट समाजले धेरै पाठ सिक्न सक्छः
१) आफ्ना छोराछोरी युरोप अमेरिका पठाएर घरेलु कामदार राख्दा तिनी आफ्ना हुन सक्दैनन् । कम्तीमा आफ्ना छोराछोरी देशमा भएको भए घरेलुु कामदार राख्नु पर्दैनथियो । विदेशमोहले कसैलाई पनि सुख दिएको छैन । कोही कसैले कुनै गफ नगरे हुन्छ, विदेशमोहले वास्तविक सुख प्राप्त हुनै सक्दैन । त्यो नेपाली समाजलाई देखाउने नक्कली तडकभडक मात्रै हो ।
२) मलाई सबैभन्दा घृणा लाग्ने विषय नै यो मान्छेले पीआर, ग्रीनकार्ड लियो रे नि भन्ने शब्द हो । विदेश पढ्न जानुपर्छ र पढाइ सकिएपछि जस्तोसुकै भए पनि यही देशमा आउन सक्नुपर्छ । विजनेस गर्न गएको अवस्थामा पनि ग्रीनकार्ड, पीआर लिनुहुँदैन । तर नेपालीले त देशको नागरिकता नै त्यागिदिन्छन् ।
३) सरकारसँग कुनै अनुमति नलिइकन, उसलाई पूरापूर पारिश्रमिक नदिइकन घरेलु कामदार राख्ने कार्यमा पूर्णतस् बन्देज लगाइनुपर्छ । किनभने घरेलु कामदारको धेरै नै शोषण हुने गरेको छ । घरायसी काममा जोताउने, तर उसका परिवारको भरणपोषणको लागि पैसा नदिने कार्य मध्ययुगीन शोषण हो । घरेलुु कामदार राखेर काठमाडौंमा हजारौं हजारको मध्ययुगीन शोषण गरिएको छ । राज्यले तत्काल तिनीहरुको उद्धार गरोस् ।
४) पशुपतिनाथको दर्शन कहिलेकाहीं भयंकर अन्धविश्वासमा परिणत हुन सक्छ । श्रीमतीको हत्या हुँदै गर्दा अर्जुन पशुपतिनाथमा करिब दुई घण्टा पूजा गरेका थिए । अन्धविश्वासमा लिप्त हुन छोड्नुपर्छ । अन्धविश्वासको कारण अरु धेरै अपराधको जन्म हुने गरेको छ । त्यसलाई समाजले बुझ्न सक्नुपर्छ । अर्जुन कार्कीले आज भने नै, अब मलाई भगवानप्रति कुनै विश्वास छैन । पशुपतिनाथमा पूजा गर्दैगर्दा उहीँ समयमा श्रीमतीको हत्या हुनु धेरै नै पीडाको विषय हो । मुना कार्कीप्रति श्रद्धाञ्जली । अर्जुन कार्की र परिवारजनमा समवेदना ।
(अनेरास्ववियु (छैठौं) का अध्यक्ष विमल पोखरेलको फेसबुकबाट)
