शंकरप्रसाद पोखरेल, कपिलवस्तु । तराई मधेश जनवादी मोर्चाले कपिलवस्तुमा एक हप्ते जागरण अभियानको सुरुवात गरेको छ । अभियानको विजयनगर गाउँ पालिकाको मगरकटामा अखिल नेपाल किसान महासंघका केन्द्रीय उपाध्यक्ष शिव पौडेलले बुधबार उद्घाटन गर्नु भयो ।
पटेस्वरी यादवको अध्यक्षतामा भएको उद्घाटन समारोहमा राष्ट्रिय जनमोर्चा जिल्ला अध्यक्ष दधिराम आचार्य, नेकपा (मसाल) का जिल्ला प्रवक्ता छविलाल गैरे, राष्ट्रिय जनमोर्चा विजयनगर गाउँपालिका अध्यक्ष गोपाल सुनार लगायत नेताहरुले देशको राजनीति, किसानको समस्या बारेमा आफ्नो धारणा राख्नुभएको थियो । कार्यक्रमको सञ्चालन केर सिंह अदैले गर्नु भएको थियोे भने हिरालाल तेलीले स्वागत मन्तव्य राख्नुभएको थियो ।
भेलाले तराई मधेश जनवादी मोर्चा विजयनगर गाउँ समितिसमेत गठन गरेको छ । ९ सदस्यीय समितिको अध्यक्षमा खदेरु पसी चयन हुनुभएको छ । यस्तै, उपाध्यक्ष हिरालाल तेली, सचिव पशुपति कलवार र कोषाध्यक्ष पतस्वरी यादव चयन हुनुभएको छ । सदस्यहरुमा वंशराज कोरी, जूनकीरी लोहार, मोहन यादव, सल्लकर्म गीता भर, मगर लोहार रहनु भएको छ ।
‘तराई मधेशका जनता माथिको शोषण उत्पीडन र भेदभाव अन्त्य गरौं , किसान आन्दोलनलाई संगठित गरौं’ भन्ने मूल नाराका साथ तराईका विभिन्न जिल्लामा अभियान सञ्चालन भइरहेको छ ।
