काठमाडौं । काठमाडौंको बुढानीलकण्ठ नगरपालिका–१० बालुवाखानीमा रहेको फेरिल्याण्ड इन्टरनेशनल स्कुलले सञ्चालन गरेको निशुल्क दन्त शिविरमा तीन सय जनाले सेवा लिएका छन् । विद्यालयले आयोजना गरेको सो शिविरमा शिक्षक, कर्मचारी र विद्यार्थीसँगै अभिभावकहरु पनि सहभागी थिए ।

कार्यक्रममा कान्तिपुर डेन्टल हस्पिटलका चिकित्सकहरुको समूहले सहभागीको निःशुल्क दन्त परीक्षण तथा उपचार गरेका थिए । सरस्वती पुजाका अवसरमा विद्यालयले आयोजना गरेको शिविरमा स्थानीय अभिभावकको उल्लेख्य सहभागिता रहेको प्रिन्सिपल विष्णुचन्द्र अधिकारीले जानकारी दिनुभयो ।

सो अवसरमा विभिन्न सांस्कृतिक कार्यक्रमसमेत प्रस्तुत गरिएको थियो । विद्यार्थीहरुले गायन, नृत्य, मार्शल आर्टको प्रदर्शनी गर्नुका साथै विभिन्न शैक्षिक सामाग्री र विज्ञान प्रदर्शनी गरेका थिए ।