काठमाडौं । बाङमय पुरुष सत्मोहन जोशीको सम्मानमा काठमाडौंको बूढानीलकण्ठ–१० बालुवाखानीस्थित फेरिल्याण्ड इन्टरनेसनल स्कुलमा मौनधारण गरिएको छ ।
सोमबार विद्यालयका शिक्षक शिक्षिका तथा विद्यार्थीहरुले एक मिनेट मौन धारण गरी जोशीप्रति सम्मान प्रकट गरे ।
संस्कृतिविद सत्यमोहन जोशीको १०३ वर्षको उमेरमा असोज ३० गते निधन भएको थियो ।
शोक सभामा विद्यालयका प्रधानाध्यापक विष्णुचन्द्र अधिकारीले स्वर्गीय जोशीले नेपाली साहित्य र संस्कृतको क्षेत्रमा पुर्याउनु भएको योगदानको बारेमा चर्चा गर्नु भएको थियो।
कार्यक्रममा विद्यालयका निर्देशक राम प्रसाद गौतमले उहाँले राष्ट्रमा पुर्याउनु भएको योगदानको कदर गर्दै उहाँ एक इतिहास भएको कुरा बताउनु भयो ।
संस्कृतिविद् जोशीप्रति सरकारले राजकीय सम्मानका साथ राज्यको तर्फबाट श्रद्धाञ्जली अर्पण गर्नुका साथै कात्तिक १ गते देशभर सार्वजनिक बिदा दिएको छ ।
जोशी २०१२ सालमा स्थापित मदन पुरस्कार २०१३ सालमा पहिलोपटक र तीनपटकसम्म पाउने एक मात्र व्यक्तित्व हुनुहुन्छ ।
उहाँका कृतिहरू ‘हाम्रो लोकसंस्कृति’ले २०१३ सालमा, ‘नेपाली राष्ट्रिय मुद्रा’ ले २०१७ सालमा र ‘कर्णाली लोकसंस्कृति’ ले २०२८ सालमा मदन पुरस्कार प्राप्त गरेका थिए ।
