खिमराज चालिसे, चंडीगढ़ ।
भारतको चंडीगढमा सडक दुर्घटनामा परी गम्भीर घाइते भएका एक किशोरलाई मूलप्रवाह अखिल भारत नेपाली एकता समाजले सहयोग गरेको छ । प्युठानको झिमरुक गाउँपालिका–२ वाङ्गेका १६ वर्षीय पारस पन्थीलाई मूलप्रवाहले १० हजार रुपैयाँ सहयोग गरेको हो ।
पारस हाल बुवा आमाका साथ हरियाणा करनाल सेक्टर ३ मा बस्दै आएका छन् । घाइतेका बुवा विष्णु पन्थी र आमा लक्ष्मी एकता समाजमै सामेल हुनुहुन्छ ।
गत डिसेम्बर २५ का दिन सडक दुर्घटनामा परी दाहिने खुट्टा गम्भीर रुपमा भाँचिएका पारसको करनालको सरकारी हस्पिटलवाट थप उपचारका लागि चंडीगढ़ रिफर गरिएको छ ।
मूलप्रवाह केन्द्रीय सदस्य दिनेश खड़का, नेपाली समाचार सम्वाददाता खिमराज चालिसे, महिला क्षेत्रीय सचिव जुना चालिसे, मुलप्रवाह नगर अध्यक्ष मानवहादुर केसी, कोषाध्यक्ष किसन खनाल, महिला नगरका सरस्वता भुसाल र गोमा जीसी, मूलप्रवाहका खुमानन्द खनाल लगाएतको टीम हस्पिटल पुगी घाइते पारसका बुवा आमालाई बिहीबार सो सहयोग रकम हस्तान्तरण गर्नुभएको हो ।
