रिसव आचार्य बुटवल ।
पूर्वविद्यार्थी नेता तथा अखिल नेपाल युवक संघका पूर्वकेन्द्रीय अध्यक्ष हेमप्रसाद पुनको सम्झनामा अखिल (छैठौं) जिल्ला समिति रुपन्देहीले स्मृति सभाको आयोजना गरेको छ ।
शुक्रबार अखिल (छैठौं) रुपन्देहीले हेमप्रसाद पुनको १६ औँ स्मृति दिवस मनाएको हो । कार्यक्रमलाई सम्बोधन गर्दै अखिल (छैठौं) का केन्द्रीय सचिव सरोजमान सिंहले उहाँको जीवनी, संघर्षपूर्ण इतिहास, पार्टी र संगठनप्रतिको योगदान बारेमा स्पष्ट पार्नु भएको थियो ।
कार्यक्रममा राष्ट्रिय जनमोर्चाका नेता तथा हेमप्रसाद पुनका सहयात्री भीमलाल न्यौपानेले पुनसँगको सहयात्राबारे स्मरण गर्नुभयो ।
‘हेम पुनसँग करिब ९ वर्ष लामो सहकार्य गर्ने अवसर प्राप्त भएको थियो’ न्यौपानेले भन्नुभयो, ‘उहाँले संगठनका हरेक आन्दोलनमा तदारुकता साथ नेतृत्वदाइ भुमिका खेल्नु भएको थियो । आज संगठनलाई उहाँको अभाव खड्कि रहेको छ ।’
स्मृतिसभामा अखिल (छैठौं) का केन्द्रीय सदस्य रिसव आचार्य, अखिल (छैठौं) अर्घाखाँची–रुपन्देही सम्पर्क समितका अध्यक्ष लक्ष्मण बन्जाडे, सहसचिव लक्ष्मण बन्जाडे, सदस्य बिनोद बन्जाडे, प्युठान–रुपन्देही सम्पर्क समितका सचिव सुरेश नेपाली, सदस्य अर्जुन जिसि, प्रगतिशील पत्रकार संघका केन्द्रीय सदस्य शंकर पोख्रेल लगायतको उपस्थिति रहेको थियो ।
कार्यक्रम अखिल (छैठौं) का जिल्ला अध्यक्ष सागर बेल्बासेको अध्यक्षता तथा कोषाध्यक्ष विमल खरेलको सन्चालनमा सम्पन्न भएको थियो । कार्यक्रममा हेमप्रसाद पुनको सम्झनामा १ मिनेट मौन धारण गरिएको थियो ।
