काठमाडौं । अखिल (छैठौं) का अध्यक्ष देवेन्द्र कुँवरले वर्तमान सरकारले एक पछि अर्को राष्ट्रघात गर्दै गरिरहेको बताउनुभएको छ ।
शुक्रबार अखिल (छैठौं) को देशब्यापी मसाल जुलुश कार्यक्रम अन्तर्गत काठमाडौंको रत्नपार्कमा आयोजित कोणसभालाई सम्बोधन गर्दै अध्यक्ष कुँवरले देउवा सरकारले राष्ट्रघातका श्रृंखला थप्दै गएको बताउनुभयो ।
सरकारले माथिल्लो कर्णाली परियोजनामा भारतीय कम्पनीको म्याद थपेको थप्यै गर्नेदेखि एमसीसी, एसपीपी हुँदै नागरिकता विधेयकमा चरम राष्ट्रघात गरेको उहाँको आरोप छ । अध्यक्ष कुँवरले संसदबाट पारित नागरिकता विधेयक फिर्ता लिन र विदेशीलाई दिएको नागरिकता छानबिन गर्न माग गर्नुभयो । साथै महंगी र भ्रष्टाचार नियन्त्रण गर्नपर्ने उहाँको माग थियो ।
अखिल (छैठौं) ले प्रतिनिधि सभा र राष्ट्रिय सभा दुवै सदनबाट पारित नागरिकता विधेयक खारेजीको माग गर्दै काठमाडौंको शान्तिवाटिकामा मसाल जुलुश प्रदर्शन गरेको हो ।
अखिल (छैठौं) द्वारा नागरिकता विधेयकको विरोधमा अर्घाखाँचीमा मसाल जुलुश
झापामा पनि अखिल (छैठौं) को मसाल जुलुश प्रदर्शन
नागरिकता विधेयक र संघीयता विरुद्ध पोखरामा अखिल (छैठौं) को मसाल जुलुश
वागबजारस्थित भक्तपुर बसपार्कबाट नारासहित मसाल जुलुश रत्नपार्क पुगेर कोणसभामा परिणत भएको थियो । त्यसक्रममा विद्यार्थीहरुले ‘नागरिकता विधेयक खारेज गर, संघीयता खारेज गर, एमसीसी चाहिँदैन, महंगी भ्रष्टाचार नियन्त्रण गर’ लगायतका चर्का नारा लगाएका थिए ।
कोण सभाको सन्चालन अखिल (छैठौँ) का सचिवालय सदस्य पुरन पोखरेलले गर्नुभएको थियो । आज अखिल (छैठौं) ले केन्द्रीय कार्यक्रम अन्तर्गत देशका विभिन्न भागमा मसाल जुशुल प्रदर्शन गरेको छ ।
