पोखरा । अखिल (छैठौं) ले नागरिकता विधेयक विरुद्ध पोखरामा पनि मसाल जुलुश प्रदर्शन गरेको छ ।

अखिल (छैठौं) को देशब्यापी कार्यक्रम अन्तर्गत कास्की जिल्ला समितिले मसाल जुलुश प्रदर्शन गरेको हो ।

त्यसक्रममा विद्यार्थीहरुले नागरिकता विधेयक खारेज गर, संघीयता चाहिँदैन देश टुक्राउन पाइँदैन, एमसीसी, एसपीपी धोका हो लगायतका नारा लगाएका थिए ।

मसाल जुलुशपछि आयोजित कोणसभालाई अखिल (छैठौं) का केन्द्रीय उपाध्यक्ष गणेश अधिकारी, अखिल नेपाल ट्रेड युनियन महासंघ (अन्टुक) का केन्द्रीय सदस्य नाम बहादुर बाठा मगर र राष्ट्रिय जनमोर्चाका जिल्ला उपाध्यक्ष टम बहादुर रोकाले सम्बोधन गर्नुभएको थियो । कार्यक्रमको सञ्चालन अखिल (छैठौं) का जिल्ला अध्यक्ष सोम नाथ अधिकारीले गर्नुभएको थियो ।