काठमाडौं । उदयपुरमा बोलेरो गाडी दुर्घटना हुँदा तीन जनाको मृत्यु भएको छ भने पाँच जना घाइते भएका छन् । बिहीबार बिहान सवा ९ बजेतिर भारतीय एस के ०१ पिबी ३०६८ नम्बरको जिप जिल्लाको उदयपुरगढी गाउँपालिका ३, गोठटारमा पल्टिँदा तीन जनाको घटनास्थलमै भएको प्रहरीले जनाएको छ ।

दुर्घटनामा स्थानीय टिकनारायण श्रेष्ठ, उनका भाइ मीनबहादुर श्रेष्ठ र अर्का स्थानीय ढकबहादुर मगरको मृत्यु भएको छ ।

घाइते पाँच मध्ये गम्भीर अवस्थाका तीन जनालाई अन्य स्थानमा रिफर गरिएको छ भने दुई घाइतेको उपचार स्थानीय स्वास्थ्य चौकी (उदयपुरगढी) मा भइरहेको प्रहरीले जानकारी दिएको छ ।