काठमाडौं । जापानको राजधानी टोक्योमा एक नेपाली विद्यार्थीको निधन भएको छ । नेपालबाट अध्यायनका लागि जापान गएका डडेलधुरा भद्रपुर–५ घरभई हाल काठमाडौं निवासी २५ वर्षीय सुरज मल्लको आइतबार उपचारको क्रममा अस्पतालमा निधन भएको जापान प्रहरीलाई उदृत गर्दै त्यहाँस्थित नेपाली विद्यार्थीले बताएका छन् ।
प्रहरीका अनुसार टोक्योको इकेबुकुरोमा बस्दै आएका मल्लको नेक्रोटाइजिंक एन्टरोकोलाइटिसका कारण मृत्यु भएको बताईएको छ । अली विरलै सुनिने यस रोग लागेमा आन्द्रामा समस्या उत्पन्न भई पाचन प्रणाली एवं रक्तसंचारप्रणालीमा गडबडी हुन जाने र हृदयघात पनि हुन सक्ने खतरा रहन्छ ।
नोभेम्बर ३० को राती स्वास फेर्न असजिलो महशुस भएपछि उनलाई इतावासीस्थित निहोन युनिभर्सिटी हस्पिटलमा भर्ना गरिएको र उपचारकै क्रममा डिसेम्बर १ तारिक, आइतबार विहान ११ बजे तिर उनको निधन भएको कुरा प्रहरीले बताएको छ ।
प्रहरीले नेपाली राजदूताबासमार्फत नेपालमा परिवारमा खबर गरिसकेको र सम्भव भएसम्म स्व।मल्लका पिता आपैm जापान आएर अन्त्येष्टि गर्ने तैयारी भईरहेको बुझिएको छ । स्व. मल्लले आगामी एकवर्षका लागि कलेजलाई तिरेको शुल्क फिर्ता गर्ने प्रक्रिया पनि अगाडि बढाईएको जनाइएको छ ।
