शंकरप्रसाद पोखरेल, गुल्मी ।
गुल्मीको धुर्कोटमा राष्ट्रियय जनमोर्चाले विरोध सभासहति गाउँ भेला गरेको छ । सीमा अतिक्रमण विरुद्ध भारतीय साम्राज्यवाद विरोधी प्रदर्शन गर्दै शनिबार हाडहाडेमा गाउँ भेला सम्पन्न भएको हो ।
भेलाले राजमो धुर्कोट गाउँ समिति पुनर्गठन गरेको छ । समितिको अध्यक्षमा तारा बहादुर जिसी, उपाध्यक्ष गोपाल थापा क्षेत्री, सचिव लिलाराज बस्नेत, सह सचिव मित्र बहादुर थापा र कोषाध्यक्षमा प्रकाश जिसी रहनुभएको छ । सदस्यहरुमा जनक खत्री, कृष्ण बिक, योगेन्द्र थापा, जिबलाल बोहोरा, हरि बहादुर केसी, कमला थापा, मिना जिसी, तेज बहादुर थापा, अनन्त बस्नेत, जित बहादुर बिक रहनुभएको छ ।
सीमा अतिक्रमण विरुद्ध विरोध सभा
हाडहाडेमा आयोजित विरोध सभामा राष्ट्रिय जनमोर्चा गुल्मीका अध्यक्ष जीवन रानाले सम्बोधन गर्दै भारतले मिचेको कालापानी, ल्याउन छिटो पहल गर्न सरकारलाई चेतावनी दिनुभयो ।
कार्यक्रममा राजमोका जिल्ला सचिव छविलाल सर्तुङ्गी, सदस्य हरि न्यौपाने, मूल प्रवाह अखिल भारत नेपाली एकता समाजका रमेश चन्द थापा, बाबुराम थापा, राजमो रेसुङ्गाका सचिव शंकरप्रसाद पोख्रेल, राजमो अर्घाखाँचीका सदस्य डिल बहादुर खत्री, टीका बहादुर खड्का, धन बहादुर थापा सुर्य र चिन्तामणि भट्टराईले मन्तव्य राख्नुभएको थियो । कार्यक्रमको अध्यक्षता तारा जिसी तथा सञ्चालन मित्र बहादुर थापाले गर्नुभएको थियो ।
राजमोमा प्रवेश
राष्ट्रिय जनमोर्चाले राष्ट्रियता र जनतन्त्रका सवालमा लिएको अडान एवं संघर्षबाट प्रभावित भई विभिन्न पार्टीका कार्यकर्ताहरु ति पार्टी परित्याग गरी राजमोमा प्रवेश गरेका छन् ।
यसरी प्रवेश गर्नेहरुमा नेपाली कांग्रेसका सक्रिय सदस्य टिकाबहादुर खड्कालगायत हुनुहुन्छ । खड्का केही वर्ष अघि राजमोबाट कांग्रेसमा प्रवेश गर्नुभएको थियो । तर, राजमो जस्तो अनुशासित र जनताका लागि समर्पित पार्टी छोडेको पश्चाताप गर्दै कांग्रेसका स्थानीय कार्यकर्तासहित पुनः राजमोमै प्रवेश गरेको बताउनुभयो ।
कार्यक्रममा नेपाली कांग्रेस परित्याग गरी धनबहादुर बिक, कृष्ण बिक, लक्ष्मी बिक, गौंथली बिक, भोटमान नेपाली, बालाराम कुँवर राजमोमा प्रवेश गर्नुभएको छ । यस्तै, नेकपाबाट बशन्तबहादुर जिसी, नारायण थापा, विरेन्द्र खत्री, बुद्धिराज जिसीलगायत कार्यकर्ताहरु राजमोमा प्रवेश गरेका छन् ।
