बेइजिङ । चीनमा केही दिनयता कोरोना सङ्क्रमित बढ्न थालेका छन् ।
चीनका विभिन्न सहरमा बुधबार मात्र कोरोना सङ्क्रमितको सङ्ख्या १ हजार ८०० भन्दा बढी पुगेको यहाँका स्वास्थ्य अधिकारीले जनाएका छन् ।
यहाँ गत शुक्रबार ५०० भन्दा केही बढी सङ्क्रमित देखिएकामा शनिबार मात्र १ हजार ८०० भन्दा पनि बढी भेटिएका हुन् । त्यहाँ थप सङ्ख्यामा कोरोना सङ्क्रमित भेटिन थालेको चीनको नेसनल हेल्थ कमिसनले जनाएको छ ।
कमिसनका अनुसार चीनभित्रै पनि सङ्क्रमणका थप व्यक्ति भेटिएका हुन् । शनिबार भेटिएका १ हजार ८०७ जनामध्ये जिलिनमा मात्र १ हजार ४०० भन्दा बढी सङ्क्रमित पाइएका बताइएको छ । यहाँ जिलिन, सान्दोन, सान्सी प्रान्तका केही स्थानमा सङ्क्रमित पाइएका हुन् । यसमध्ये सबैभन्दा बढी जिलिनमा छन् । जिलिनमा हरेक दिन सङ्क्रमितको सङ्ख्या बढ्दै गएको पाइएको बताइएको छ ।
चीनमा पछिल्लो समयमा सङ्क्रमित भेटिन थालेपछि यहाँको सरकारले कोरोनाबाट निको भएका नागरिकमा पनि पुनः स्वास्थ्य जाँच गर्न सुरु गरेको छ । त्यहाँका सबैजसो नागरिकालाई कोरोना पुनः हुन सक्ने सम्भावनालाई मध्यनजर गर्दै चीनले नागरिकको निरन्तर परीक्षण गरिरहेको बताइएको छ । त्यहाँ अहिले पनि करिब पाँच हजार जना नागरिक कोरोना सङ्क्रमित उपचार गराइरहेका छन् । (रासस/सिन्ह्वा)
